II Ho 7:2 - Sơ̆p Hlabơar Nơ̆r 'Bok Kei-Dei

² Lu 'bok soi ưh kơ gơh kơ mơ̆t tơ lăm hnam akŭm Kră Yang, yua kơ tơdrong ư-ang mơsêh mơyang rang mơnhal mơ̆t 'bĕnh jơ̆p-jang kơ hnam akŭm Kră Yang hloi.

II Ho 7:2 ပူးပေါင်းရင်းမြစ်များ

I Pot 8:10

Kơplah lu 'bok soi lĕch đơ̆ng anih rơgoh đei hơmơ̆l gom 'bĕnh lăm Hnam Kră Yang.

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

II Ho 5:14

dĭng mah lu 'bok soi ưh kơ kĕ dơ̆ng wă bơ̆jang yua kơ hơmơ̆l jur tơdrong ư-ang rang mơnhal đơ̆ng Kră Yang mơ̆t 'bĕnh-'bang jơ̆p-jang kơ hnam akŭm 'Bok Kei-Dei.

Horiso 26:8

Ơ Kră Yang, inh 'mêm kơ hnam Ih oei păng anih ư-ang mă Ih oei.

Le 24:17

Tơdrong rang hơdah 'lơ̆ng Kră Yang tơ kơpal wĕch kông 'bơ̆t anăp lu bơngai Isơrael, thoi hơdah ŭnh sa kơdrơ̆ng.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.