II Ho 7:17 - Sơ̆p Hlabơar Nơ̆r 'Bok Kei-Dei

¹⁷ Bĕ ih, tơdah ih yak năm 'bơ̆t anăp Inh rok thoi 'bă ih, Đawit đei pơm, pơm kiơ̆ dôm tơdrong Inh athei pơkă kơ sư, wei răk khôi juăt păng nơ̆r Inh tơtă,

II Ho 7:17 ပူးပေါင်းရင်းမြစ်များ

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

I Pot 2:3

Păng athei wei răk dôm nơ̆r Kră Yang 'Bok Kei-Dei đei pơkă, wă kơ ih pơm kiơ̆, yak năm rok trong Sư, wei răk dôm tơdrong juăt Sư păng dôm nơ̆r Sư tơtă, păng dôm nơ̆r Sư bơtho, thoi đei chih boih lăm tơdrong juăt Môis, wă kơ dôm tơdrong ih jang kiơ, pơm kiơ, dah năm tơ yơ gô hiôk jơnap

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

II Ho 7:16

Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

II Ho 7:18

na Inh gô ăn kơ dêh char pơtao Ih pran kơjăp thoi nơ̆r Inh pơkă pơgơ̆p hăm 'bă ih, Đawit thoi âu: Lăm adrĕch Isơrael ưh kơ'bah bơngai pơgơ̆r Isơrael.

Horiso 105:45

Wă kơ lu sư bơwei tơdrong Kră Yang tơtă Păng pơm kiơ̆ dôm khôi juăt Sư Halêluya!

Horiso 119:5

Ô! Rŏ kơ trong inh gơh kơjăp; Wă kơ inh kĕ kiơ̆ khôi juăt Ih!

Êsêkiên 36:27

Inh gô ăn Yang Bơhngol Inh oei lăm lu iĕm, wă kơ lu iĕm pơm kiơ̆ khôi juăt inh, lu iĕm gô pơ'lơ̆ng pơm kiơ̆ lu nơ̆r Inh tơtă.

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.