II Ho 7:16 - Sơ̆p Hlabơar Nơ̆r 'Bok Kei-Dei

¹⁶ Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

II Ho 7:16 ပူးပေါင်းရင်းမြစ်များ

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

I Pot 8:35

Mưh plĕnh phang ưh kơ đei đak 'mi yua kơ đơ̆ng lu sư pơm yoch hăm Ih, mă-lei dah lu sư năm tơkan tơ anih âu krao khan hơdrĭ hăm anăn ih, hŭt lê̆ tơdrong yoch lu sư, yua kơ ih phak bơtho lu sư boih.

I Pot 8:44

“Mưh lu kon pơlei đĭch đam ih tơblah hăm lu ayăt, kiơ̆ kơ đơ̆ng Ih wơh; mưh sư krao khan hơdrĭ hăm anăn ih; sư tơwih gah pơlei âu pơlei mă Ih rơih bơih, sư tơkan tơ hnam akŭm mă đơ̆ng inh pơm,

I Pot 8:48

Dah lu sư đĭ jơhngơ̆m đĭ đon tơchĕng, wơ̆t tơbral tơ Ih krao khan apinh Ih, lăm char mă lu ayăt rôp ba lu sư, lu sư 'blŏk kơ dêh mă Ih ăn kơ lu 'bok yă lu sư sơ̆. Anih mă Ih rơih ăn bơih păng Hnam akŭm kơkuh kơ anăn Ih mă inh pơm âu bơih,

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Pot 21:4

Sư kư̆m pơm tơiung chơnang soi lăm hnam Kră Yang mă Kră Yang đei khan gah hnam akŭm kơkuh ei thoi âu: “Lăm Pơlei Jêrusalem noh, Inh 'măn anăn Inh.”

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

II Ho 6:20

Apinh măt Ih lăng păng wei hnam âu măng păng năr, hnam âu Ih đei khan boih ih gô 'măn Anăn Ih tơ noh. Apinh Ih mơ̆ng lu đĭch đam Ih krao apinh Ih tơ gah anih âu.

II Ho 7:12

Lăm măng noh Kră Yang pơdah Sư kơ Sôlômôn păng khan: “Inh kơtơ̆ng boih nơ̆r ih krao khan păng Inh kư̆m rơih boih anih 'nâu wă pơm hnam pơyơ̆r tơmam soi kơ Inh.

II Ho 7:15

Măt Inh gô lăng păng đon Inh gô pơgling mơ̆ng nơ̆r krao khan đơ̆ng anih 'nâu.

II Ho 7:17

Bĕ ih, tơdah ih yak năm 'bơ̆t anăp Inh rok thoi 'bă ih, Đawit đei pơm, pơm kiơ̆ dôm tơdrong Inh athei pơkă kơ sư, wei răk khôi juăt păng nơ̆r Inh tơtă,

Horiso 132:13

Yua kơ Kră Yang rơih boih Siôn; Sư wă kơ Siôn jing anih Sư oei:

Horiso 132:14

“Âu boih anih Inh mă pơdơh ling-lang hlŏng hloi. Inh gô oei tơ âu, Yua kơ inh wă thoi noh.

Sa 3:2

Kră Yang khan kơ Satan thoi âu: “Ơ Satan, thŭ Kră Yang hil hiap ih; Kră Yang Tơ'ngla mă rơih iŏk boih Jêrusalem hil chrih kơ ih. 'Nâu hăm trŏ thoi kơtôch đe 'nao dui đơ̆ng ŭnh?”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Both 12:21

Tơdah anih mă Kră Yang 'Bok Kei-Dei iĕm rơih boih wă dan Anăn Sư, ataih đơ̆ng iĕm oei, iĕm gơh 'bet sa rơmo dah triu lăm khŭl mă Kră Yang iĕm ăn kơ iĕm kư̆m thoi Inh pơkă kơ iĕm; iĕm gơh sa 'nhĕm mơ̆ng kơ wă sa lăm pơlei iĕm kơdih.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.