II Ho 7:14 - Sơ̆p Hlabơar Nơ̆r 'Bok Kei-Dei

¹⁴ Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

II Ho 7:14 ပူးပေါင်းရင်းမြစ်များ

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

II Ho 20:4

Lu bơngai Juđa akŭm băl wă krao chă Kră Yang dŏng tơgŭm; lu Sư năm đơ̆ng jơ̆p pơlei oei lăm dêh char Juđa krao chă Kră Yang.

II Ho 6:27

Lei apinh Ih Kră Yang oei kơpal plĕnh mơ̆ng bĕ păng mơnat ăn kơ tơdrong yoch lu đĭch đam Ih bơngai Isơrael Ih. Tơpă Ih đei bơtho tơ'bôh ăn boih trong 'lơ̆ng wă kơ lu sư yak kiơ̆, ăn 'mi jur tơ teh mă Ih đei ăn kơ kon pơlei Ih jang sa.

II Ho 6:30

apinh Kră Yang đơ̆ng kơpal plĕnh anih Ih oei, mơ̆ng, mơnat ăn păng pơdrâu tơwih kơ lu sư rim 'nu kiơ̆ thoi lu sư đei tơbral Ih băt nhen kơ jơhngơ̆m klơm klak lu sư; tơpă lăp minh 'nu Ih đĕch băt hơđăl kơ jơhngơ̆m klơm klak kon bơngai

II Ho 6:33

apinh Ih Kră Yang đơ̆ng kơpal plĕnh, anih Ih oei, mơ̆ng bĕ păng pơm ăn bĕ kiơ̆ kơ tơdrong lu Sư hơpơi apinh Ih wă kơ đĭ-đăng kon bơngai oei kơpal teh âu băt ư-ang kơ Ih băt hli yom kơ Ih kư̆m thoi lu bơngai Isơrael Ih păng băt kơ hnam âu mă inh đei pơm krao anăn Ih.

Horiso 27:8

Jơhngơ̆m inh khan kơ Ih, “chơchă bĕ muh măt Sư,”a Na inh khan! Inh gô chơchă muh măt Ih.

Horiso 60:2

Ih pơm boih kơ teh tơdrŏ, păng pơm kơ lu sư hơđang. Apinh Ih hơmet ming lu hơđang sư noh, yua kơ đêl sư pơpơ̆.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 59:20

“Tơ'ngla dŏng pơklaih gô truh tơ Siôn; năm tơ lu bơngai lăm adrĕch adrung Jakôp, mă achăng hŭt tơdrong yoch.” Kră Yang pơma thoi noh.

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Je 14:9

Liơ Ih nhen thoi bơngai đei tơdrong truh ưh kơ tam băt, nhen thoi bơngai nuih pran mă ưh kơ gơh dŏng pơklaih bu? Mă-lei ơ Kră Yang, Ih oei oei hơdai nhôn, đe krao nhôn kon Ih, apinh Ih 'nĕ kơ achăng lê̆ lu nhôn.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Je 50:4

Kră Yang khan: “Lăm lu năr noh, lăm kơplah noh, bơngai Isơrael păng bơngai Juđa năm hơdai, yak rah nhơ̆m rah, Chơchă Kră Yang, 'Bok Kei-Dei lu sư.

Je 51:9

Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 33:12

Gah ih, ơ kon bơngai, khan bĕ kơ pơlei pơla ih, Tơdrong tơpăt lu bơngai tơpăt ưh kơ gơh pơklaih sư ôh lăm năr sư pơm yoch; tơdrong kơnê̆ lu bơngai pơm yoch ưh kơ gơh tơpơ̆k sư lăm năr sư weh achăng đơ̆ng tơdrong yoch sư. Bơngai tơpăt ưh kơ đei arih yua đơ̆ng tơdrong tơpăt sư lăm năr sư pơm yoch,

Jo 6:27

Lu sư athei dan 'măn anăn Inh tơ kơpal lu kon pơlei adrĕch Isơrael thoi noh, lei na Inh gô ăn tơdrong pŭn hiôk kơ lu sư.

Jang 9:11

Kră Yang Yêsu khan kơ sư: “Inh athei ih năm tơ Trong Tơpăt, truh tơ hnam Juđa, chă minh 'nu bơngai đơ̆ng Pơlei Tarsơ, anăn sư Sôl. Tơ ei sư oei krao khan kơ Inh.

Both 28:10

Lu kon bơngai kơpal teh gô 'bôh anăn Kră Yang păng lu sư gô hli kơ iĕm.