II Ho 7:12 - Sơ̆p Hlabơar Nơ̆r 'Bok Kei-Dei

¹² Lăm măng noh Kră Yang pơdah Sư kơ Sôlômôn păng khan: “Inh kơtơ̆ng boih nơ̆r ih krao khan păng Inh kư̆m rơih boih anih 'nâu wă pơm hnam pơyơ̆r tơmam soi kơ Inh.

II Ho 7:12 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

I Pot 9:2

Na Kră Yang tơ'bôh akâu sư ăn kơ Sôlômôn wơ̆t mă 'bar, kư̆m thoi Kră Yang tơ'bôh kơ sư tơ pơlei Gibeôn.

II Pot 2:6

Êli khan kơ sư: “Inh apinh ih ngôi 'bơ̆t dâu hŏ yua kơ Kră Yang wơh inh năm tơ đak krong Jôrđăn.” Êlisê tơl: “Inh pơkă hăm Kră Yang mă arih ling-lang păng pơkă hăm ih 'bok thây inh, inh ưh kơ layơ tơklah đơ̆ng ih ôh.” Thoi noh bre sư oei hơnơ̆ng năm hơdai đĕch.

II Pot 20:5

“Wơ̆t brŏk bĕ, khan kơ Hesekia, pơtao lu kon pơlei Inh, Kră Yang 'Bok kei-Dei Đawit 'bok kơdră ih khan: Inh kơtơ̆ng bơih nơ̆r ih krao khan, 'bôh ih nhơ̆m lĕch đak măt; 'nâu Inh gô pơklaih jĭ ih; truh tơ năr mă pêng ih gô năm tơ hnam Kră Yang.

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Ho 1:7

Lăm măng noh, Kră Yang 'Bok Kei-Dei tơ'bôh kơ Sôlômôn păng khan: “Ih wă kơ Inh ăn kơ ih kiơ? Apinh bĕ.”

II Ho 7:16

Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 66:19

Tơpă Kră Yang 'Bok Kei-Dei mơ̆ng boih; Sư pơgling boih đon mơ̆ng nơ̆r inh krao khan.

Malachi 3:4

Dang ei tơmam soi đơ̆ng bơngai Juđa hăm pơlei Jêrusalem gô gơh pơm ăn jơhngơ̆m Kră Yang lăp đon, kư̆m thoi lu ki sơ̆ păng thoi lu sơnăm chăl kră sơ̆.

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.