II Ho 7:10 - Sơ̆p Hlabơar Nơ̆r 'Bok Kei-Dei

¹⁰ Năr 'bar-jĭt pêng khei tơpơh, sư ăn kơ kon pơlei wih brŏk tơ anih kơdih, jơhngơ̆m lu sư chơt hiôk păng 'nă hal, yua kơ Kră Yang đei ăn boih tơdrong 'lơ̆ng kơ Đawit, kơ Sôlômôn păng ăn kơ kon pơlei pơla Isơrael Sư.

II Ho 7:10 ပူးပေါင်းရင်းမြစ်များ

I Pot 8:66

Lăm năr mă tơhngam pơtao ăn kơ kon pơlei pơla brŏk; kon pơlei kư̆m krao khan hơpơi pŭn hiôk kơ pơtao kơplah lu sư brŏk tơ anih lu sư, lu sư chơt hiôk 'nă hal lăm jơhngơ̆m, yua kơ Kră Yang wei-lăng đĭch đam Sư Đawit hăm đĭ-đăng lu bơngai Isơrael, kon pơlei pơla Sư rơih.

II Ho 29:36

Hesekia păng đĭ-đăng kon pơlei lu sư chơt hiôk kơ Kră Yang 'Bok Kei-Dei đei asong ăn kơ lu kon pơlei Sư na tơdrong jang âu tĕnh jah keh đang.

II Ho 30:26

Lăm pơlei Jêrusalem đei tơdrong chơt hiôk tih; đơ̆ng chăl Sôlômôn kon drŏ-nglo Đawit pơtao Isơrael, lăm pơlei Jêrusalem ưh tam biơh đei tơdrong chơt hiôk thoi noh.

II Ho 6:41

Dang ei, ơ Kră Yang 'Bok Kei-Dei, apinh Ih păng Hom Pơgơ̆p mơsêh mơyang Ih mơ̆t lăm anih pơdơh âu, Apinh Ih ơ Kră Yang 'Bok Kei-Dei! Hơpơi kơ lu 'bok soi đei hrŭk iŏk tơdrong dŏng pơklaih. Ăn kơ lu bơngai 'lơ̆ng rơgoh Ih chơt hiôk lăm tơdrong Ih 'mêm mơnat!

II Ho 7:11

Lăp Sôlômôn pơm keh hnam Kră Yang păng hnam pơtao; mă tôm tơdrong jang kiơ Sôlômôn hơmet wă pơm lăm hnam Kră Yang păng lăm hnam pơtao sư, sư pơm keh đang đĭ boih.

II Ho 7:9

Truh năr mă tơhngam, lu sư akŭm tih dêh, yua kơ lu sư pơm giĕng pơyơ̆r chơnang soi lăm tơpơh năr păng pơm giĕng hmă kư̆m tơpơh năr.

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Horiso 100:2

Bơ̆jang bĕ kơ Kră Yang hăm tơdrong chơt hiôk, Năm hơri 'nă hal bĕ 'bơ̆t anăp Sư.

Horiso 105:3

Ư-ang bĕ kơ lu iĕm kơdih lăm anăn rơgoh Sư, Ăn kơ jơhngơ̆m lu bơngai chơchă Kră Yang đei hiôk chơt.

Horiso 106:5

Wă kơ inh 'bôh tơdrong pŭn hiôk lu bơngai mă Ih đei rơih. Wă kơ wang chơt hiôk thoi lăm teh đak Ih, Păng hơri bơnê hơdai hăm kon pơlei Ih.

Horiso 32:11

Ơ lu bơngai tơpăt, chơt hiôk bĕ Păng 'nă hal bĕ lăm Kră Yang! Ơ lu bơngai đei jơhngơ̆m tơpăt, ôr jreo chơt bĕ!

Horiso 92:4

Ơ Kră Yang, Ih pơhiôk ăn kơ inh boih lăm tơdrong jang Ih; Inh gô hơri hiôk chơt kơ tơdrong jang đơ̆ng ti Ih pơm.

Le 18:1

Jêthrô, 'bok soi dêh Madian tơnei Môis, kơtơ̆ng dôm tơdrong Kră Yang 'Bok Kei-Dei đei pơm ăn kơ Môis hăm kon pơlei Isơrael păng Kră Yang chông ba kon pơlei Isơrael lĕch đơ̆ng dêh Êyiptơ thoi yơ.

Êsêkiên 45:25

Lăm năr mơjĭt-pơđăm khei tơpơh pơm phĕt (pơm phĕt bơsŭn) lăm tơpơh năr, sư kư̆m pơyơ̆r hơmet lei-lăi thoi noh, kơ tơmam soi huai đơ̆ng yoch, tơmam soi 'buh, tơmam soi phe 'ba păng đak rơmă.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.