II Ho 7:1 - Sơ̆p Hlabơar Nơ̆r 'Bok Kei-Dei

¹ Đang kơ Sôlômôn krao khan Kơplah noh đei ŭnh đơ̆ng plĕnh jruh soh sa tơmam soi 'buh păng lu tơmam soi pơyơ̆r; tơdrong ư-ang rang mơnhal Kră Yang jur mơ̆t 'bĕnh kơ hnam akŭm.

II Ho 7:1 ပူးပေါင်းရင်းမြစ်များ

Bl 15:17

Kơplah măt 'năr mơ̆t boih, glĭp kơmăng mu truh na đei minh pôm tơnuh ŭnh tih lĕch 'nhui păng đei pla ŭnh soh dơhlông tơ lu kon sem mă đei blah noh hei.

I Pot 18:24

Iĕm athei krao apinh anăn yang iĕm, gah inh krao apinh Anăn Kră Yang. Yang ayơ mă tơl tơwih ăn ŭnh soh 'long ŭnh, 'noh bơih Kră Yang 'Bok Kei-Dei. Na đĭ-đăng kon pơlei pơla tơl khan: Nơ̆r ih pơma 'noh trŏ bơih.

I Pot 18:38

Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

I Pot 9:1

Sôlômôn man Hnam akŭm Kră Yang, hnam sư kơdih păng dôm lu hnam mă sư man đang bơih.

I Ho 21:26

Đawit pơm minh pôm chơnang soi kơ Kră Yang tơ noh păng pơyơ̆r tơmam soi 'buh păng pơyơ̆r tơmam soi apinh hiôk hiam, krao apinh Kră Yang, Kră Yang tơl tơwih kơ sư hăm ŭnh đơ̆ng plĕnh huŏng 'bơ̆t kơpal chơnang soi pơyơ̆r tơmam soi 'buh.

Horiso 26:8

Ơ Kră Yang, inh 'mêm kơ hnam Ih oei păng anih ư-ang mă Ih oei.

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Le 29:43

Tơ noh Inh kư̆m wă gô tơ'bơ̆p lu kon pơlei Isơrael: 'Bơ̆t anih 'noh hăm tơdrong ư-ang Inh wă pơm kơ anih noh jing rơgoh 'lơ̆ng.

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Êsêkiên 43:5

Yang bơhngol hơtŏk inh păng chông ba inh mơ̆t tơ cham gah lăm; to tơdrong rang mơnhal Kră Yang 'Bok Kei-Dei 'bĕnh-'bang kơ hnam akŭm.

Êsêkiên 44:4

Đơ̆ng noh sư chông ba inh mơ̆t 'măng gah yă-nơ̆m tơ cham gah lăm 'bơ̆t anăp hnam akŭm. Inh lăng âu bơih, tơdrong ư-ang rang mơnhal Kră Yang 'bĕnh jơ̆p kơ hnam akŭm Kră Yang; na inh drap kŭp kơ̆l kơkuh.

Da 9:20

Inh oei pơma păng krao apinh, tơbral tơdrong yoch inh păng tơdrong yoch kon pơlei Isơrael inh păng inh pơyơ̆r nơ̆r krao apinh inh 'bơ̆t anăp Kră Yang 'Bok Kei-Dei inh, yua kơ kông rơgoh Kră Yang 'Bok Kei-Dei inh;

Malachi 3:4

Dang ei tơmam soi đơ̆ng bơngai Juđa hăm pơlei Jêrusalem gô gơh pơm ăn jơhngơ̆m Kră Yang lăp đon, kư̆m thoi lu ki sơ̆ păng thoi lu sơnăm chăl kră sơ̆.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Lu 6:21

Linh jang Kră Yang yơ̆r iŏk chĕp 'long jra sư dan tôt tơmam soi, tơ 'nhĕm păng tơ 'bĕng ưh kơ đei 'buih pông, đei ŭnh lĕch đơ̆ng tơmo, sa lê̆ 'nhĕm păng 'bĕng ưh kơ đei 'buih pông. Na linh jang 'lơ̆ng Kră Yang kư̆m weh 'biao pă 'bôh đơ̆ng.b