II Ho 6:5 - Sơ̆p Hlabơar Nơ̆r 'Bok Kei-Dei

⁵ ‘Đơ̆ng năr Inh chông tơlĕch kon pơlei pơla inh đơ̆ng dêh char Êyiptơ, Inh ưh tam mă đei rơih iŏk ôh pơlei ayơ đơ̆ng lăm lu adrĕch Isơrael wă pơm hnam kơ Anăn Inh tơ noh păng Inh kư̆m tam mă đei rơih bu pơm pơtao pơgơ̆r lu bơngai Isơrael Inh;

II Ho 6:5 ပူးပေါင်းရင်းမြစ်များ

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

II Pot 21:4

Sư kư̆m pơm tơiung chơnang soi lăm hnam Kră Yang mă Kră Yang đei khan gah hnam akŭm kơkuh ei thoi âu: “Lăm Pơlei Jêrusalem noh, Inh 'măn anăn Inh.”

I Ho 17:5

Inh ưh tam mă oei ôh lăm hnam đơ̆ng năr Inh chông tơlĕch lu bơngai Isơrael đơ̆ng dêh Êyiptơ truh tơ năr âu, Inh năm đơ̆ng bơsŭn âu tơ bơsŭn nai, đơ̆ng anih oei âu tơ anih oei nai.

II Ho 12:13

Thoi noh pơtao Rêhôbôam pơm kơ sư kơdih kơjăp oei lăm pơlei Jêrusalem, Rêhôbôam 'nao puăn-jĭt mônh sơnăm kơplah sư pơm pơtao, sư pơgơ̆r lăm mơjĭt-tơpơh sơnăm lăm pơlei Jêrusalem, pơlei mă Kră Yang đei rơih iŏk đơ̆ng lăm adrĕch Isơrael, wă 'măn anăn Sư tơ noh; mĕ Rêhôbôam anăn Naama, bơngai Ammôn.

II Ho 20:8

Lu sư oei lăm dêh char 'nâu păng pơdơ̆ng pơjing hnam akŭm 'lơ̆ng rơgoh kơ Anăn Ih păng khan:

II Ho 20:9

‘Dah đei tơdrong kơnê̆ truh kơ lu nhôn, đao gưm, phak pơmat, dah lôch hơbuh, pơngot rơwĕt, lu nhôn gô năm dơng 'bơ̆t anăp hnam 'nâu, na lu nhôn krao apinh Ih lăm năr pơmat-tat, Ih mơ̆ng păng dŏng pơklaih nhôn.’

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

II Ho 33:4

Sư man lu chơnang soi tơ lăm hnam Kră Yang, tơ anih mă Kră Yang đei khan: “Anăn inh gô oei lăm pơlei Jêrusalem ling-lang.”

II Ho 33:7

Sư tah rup yang đe traih lăm hnam Kră Yang tơ anih mă Kră Yang 'Bok Kei-Dei đei khan hăm Đawit păng Sôlômôn kon drŏ-nglo sư khan: “Lăm hnam 'nâu păng pơlei Jêrusalem pơlei, mă inh đei rơih iŏk boih đơ̆ng lăm adrĕch bơngai Isơrael, wă 'măn anăn Inh lăm âu ling-lang;

II Ho 6:20

Apinh măt Ih lăng păng wei hnam âu măng păng năr, hnam âu Ih đei khan boih ih gô 'măn Anăn Ih tơ noh. Apinh Ih mơ̆ng lu đĭch đam Ih krao apinh Ih tơ gah anih âu.

II Ho 6:4

Sư khan: “Kơkuh bơnê tơpă kơ Kră Yang, 'Bok Kei-Dei Isơrael, tơ'ngla mă pơkă pơ'ngam hăm Đawit, 'bă inh iŏk ti Sư gô pơm keh dôm nơ̆r đêl Sư pơkă noh. Sư khan:

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

II Ho 7:16

Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

Esơra 7:16

Hăm lu hu maih mă lu kon pơlei Isơrael păng lu 'bok soi oei lăm tơring dêh Babilôn, lu sư đei pơyơ̆r kơ hnam akŭm kơkuh kơ Kră Yang 'Bok Kei-Dei lu sư tơ pơlei Jêrusalem.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 23:21

'Bơ̆t anăp sư, ih athei kơchăng păng mơ̆ng kiơ̆ nơ̆r sư 'nĕ kơ sơngah pơjah plơ̆; kơnh sư ưh kơ mơnat ăn tơdrong yoch ih, yua kơ anăn Inh oei lăm sư.

Da 9:19

Ơ Kră Yang 'Bok Kei-Dei mơ̆ng mă tôm bĕ; ơ Kră Yang 'Bok Kei-Dei mơnat ăn bĕ! Ơ Kră Yang 'Bok Kei-Dei! 'Blŏk bĕ păng pơm bĕ. Ơ Kră Yang 'Bok Kei-Dei inh! Yua kơ Ih boih apinh 'nĕ pă gô dơ̆ng; yua kơ pơlei tih Ih păng kon pơlei Ih, mă đei krao păng anăn Ih!

Sa 3:2

Kră Yang khan kơ Satan thoi âu: “Ơ Satan, thŭ Kră Yang hil hiap ih; Kră Yang Tơ'ngla mă rơih iŏk boih Jêrusalem hil chrih kơ ih. 'Nâu hăm trŏ thoi kơtôch đe 'nao dui đơ̆ng ŭnh?”

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.