II Ho 6:32 - Sơ̆p Hlabơar Nơ̆r 'Bok Kei-Dei

³² Kŭm thoi noh mơ̆n gah lu bơngai tơmoi, ưh kơ trŏ kơ adrĕch bơngai Isơrael Ih ôh, mă-lei yua kơ anăn Ih kơkŏng ti mơsêh mơyang Ih, mưh lu sư krao khan tơ gah hnam âu,

II Ho 6:32 ပူးပေါင်းရင်းမြစ်များ

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

II Pot 5:3

Drŏ-kăn 'lơ̆p ei khan kơ yă mă akăn yŏng tơ'ngla sư: “Ô dah yŏng tơ'ngla ĭnh năm tơ 'bok khan lê̆ adrol tơ Pơlei Samari, sư gô pơklaih yŏng tơ'ngla inh đơ̆ng jĭ chin noh.”

II Pot 5:8

Êlisê kơtơ̆ng băt pơtao đe Isơrael hek ao sư kơdih, sư wơh bơngai năm khan kơ pơtao đe Isơrael: “Yua kơ kiơ ih hek lê̆ ao ih kơdih? Ih athei Naaman năm tơ inh, wă kơ sư gô băt lăm Isơrael đei bơngai khan lê̆ adrol.”

II Ho 6:31

Wă kơ lu sư hli yom kơ Ih, kiơ̆ trong Ih đĭ chăl arih oei lăm ala teh mă Ih đei ăn boih kơ lu 'bok yă lu nhôn.

Horiso 136:12

Sư yơ̆r kơkŏng păng tơpang ti mơsêh mơyang Sư. Tơdrong 'mêm Sư oei oei ling-lang.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Sa 8:22

Thoi noh đei lơ kon pơlei păng lu adrĕch adrung lăm teh đak pran kơtang gô năm chă Kră Yang Tih Hloh tơ pơlei Jêrusalem păng apinh tơdrong mơnat đơ̆ng Kră Yang tơ noh.”

Mathiơ 12:42

Truh năr 'Bok Kei-Dei sek tơlang ning-mônh kư̆m đei minh 'nu yă pơtao đơ̆ng dêh Sêba wang jô̆ kơ lu jơhnơr iĕm dang ei bơngai yoch, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho, mă-lei iĕm âu đei bơngai bơtho hơgei hloh kơ pơtao Sôlômôn bơtho ră pơm kuă kơ tơbral kơdih tơdrong yoch.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Yo 12:20

Đei bơngai Grĕk năm tơ Pơlei Jêrusalem hơpong kơ năr giĕng ei păng mơ̆t kơkuh kơ 'Bok Kei-Dei.

Jang 2:10

Mơ'nah đơ̆ng dêh char Phiji, kư̆m đei mơ'nah đơ̆ng dêh char Pamphili, mơ'nah đơ̆ng dêh char Êyiptơ, kư̆m đei mơ'nah đơ̆ng tơring Siren lăm dêh char Libi. Đơ̆ng Pơlei Rôm kư̆m đei mơ̆n, mơ'nah bơngai Juđê, lu mơ'nah bơngai nai kiơ̆ tơdrong juăt Juđê.

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Jôsuê 9:9

Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;