II Ho 6:26 - Sơ̆p Hlabơar Nơ̆r 'Bok Kei-Dei

²⁶ Mưh plĕnh tang đĭ ưh kơ đei 'mi, yua kơ đơ̆ng kon pơlei Isơrael pơm yoch hăm Ih na lu sư tơkan tơ hnam âu krao pôk anăn Ih tơbral yoch kơdih yua kơ Ih phak lu sư pơmat-tat boih.

II Ho 6:26 ပူးပေါင်းရင်းမြစ်များ

II Ho 6:25

lei apinh Ih đơ̆ng kơpal plĕnh ti mơ̆ng păng mơnat ăn kơ tơdrong yoch lu adrĕch Isơrael kon pơlei Ih păng ăn kơ lu sư wih brŏk tơ teh đak mă Ih đei ăn boih kơ lu sư păng yă 'bok lu sư sơ̆.

II Ho 7:13

Mưh Inh tang đĭ plĕnh ti, ưh kơ ăn 'mi jur, dah ăn kơ lep 'ba truh kăp sa lu hơnik hơnan păng dah ăn tơdrong lôch hơbuh truh tơ kon pơlei Inh,

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Lêwi 26:19

Inh gô pơglơh lê̆ tơdrong pơang jơhngơ̆m pran lu iĕm, Inh gô pơm kơ plĕnh kơpal lu iĕm arăng dang mam teh đak ala lu iĕm thoi kong.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Both 11:17

Kơplah noh Kră Yang gô hil mĭl kơ lu iĕm, sư gô tang lê̆ plĕnh, na ưh pă đei đak 'mi dơ̆ng, teh pă đei plei sa: Lu iĕm gô lôch hiong đơ̆ng lăm dêh char 'lơ̆ng, mă đơ̆ng Kră Yang ăn kơ lu iĕm.

Both 28:23

Lu plĕnh tơ kơpal kơ̆l nhen thoi kong, na teh tơ ala jơ̆ng nhen thoi bơsei.

Tơdrông Tơ'bôh 11:6

Bre sư gơh chĭt đak 'mi đơ̆ng plĕnh kuă ăn 'mi kơplah bre sư oei chă năm pơtruh kơ đe nơ̆r 'Bok Kei-Dei. Bre sư kư̆m gơh sơkat kơ đak jing pham păng bre sư kư̆m gơh pơm kơ bơngai mă ưh kơ chu jĭ pơmat-tat gô mơ̆ng kơ bre sư wă.