II Ho 6:20 - Sơ̆p Hlabơar Nơ̆r 'Bok Kei-Dei

²⁰ Apinh măt Ih lăng păng wei hnam âu măng păng năr, hnam âu Ih đei khan boih ih gô 'măn Anăn Ih tơ noh. Apinh Ih mơ̆ng lu đĭch đam Ih krao apinh Ih tơ gah anih âu.

II Ho 6:20 ပူးပေါင်းရင်းမြစ်များ

II Pot 19:16

Ơ Kră Yang apinh Ih pơđêng đon mơ̆ng bĕ. Ơ Kră Yang apinh Ih lar măt lăng nhôn, apinh Ih mơ̆ng bĕ dôm lu nơ̆r mă Senacherip pơma wă pơjăm Kră Yang 'Bok Kei-Dei mă arih ling-lang.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

II Ho 20:9

‘Dah đei tơdrong kơnê̆ truh kơ lu nhôn, đao gưm, phak pơmat, dah lôch hơbuh, pơngot rơwĕt, lu nhôn gô năm dơng 'bơ̆t anăp hnam 'nâu, na lu nhôn krao apinh Ih lăm năr pơmat-tat, Ih mơ̆ng păng dŏng pơklaih nhôn.’

II Ho 6:19

Mă khan lei ră, ơ Kră Yang 'Bok Kei-Dei inh apinh Ih mơ̆ng nơ̆r krao khan apinh đơ̆ng inh đĭch đam ih, mơ̆ng nơ̆r apinh hơdrĭ đơ̆ng đĭch đam Ih hơpơi apinh 'bơ̆t anăp Ih.

II Ho 6:40

Kră Yang 'Bok Kei-Dei inh! Inh krao apinh Ih lăng păng mơ̆ng nơ̆r krao apinh Ih đơ̆ng anih 'nâu.

II Ho 6:5

‘Đơ̆ng năr Inh chông tơlĕch kon pơlei pơla inh đơ̆ng dêh char Êyiptơ, Inh ưh tam mă đei rơih iŏk ôh pơlei ayơ đơ̆ng lăm lu adrĕch Isơrael wă pơm hnam kơ Anăn Inh tơ noh păng Inh kư̆m tam mă đei rơih bu pơm pơtao pơgơ̆r lu bơngai Isơrael Inh;

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

II Ho 7:15

Măt Inh gô lăng păng đon Inh gô pơgling mơ̆ng nơ̆r krao khan đơ̆ng anih 'nâu.

Ne 1:6

Inh apinh Ih lăng păng đon Ih mơ̆ng nơ̆r krao khan inh bơngai đĭch đam Ih, dang ei inh oei krao khan rim năr rim măng yua kơ adrĕch Isơrael, lu đĭch đam Ih, oei 'bơ̆t anăp Ih păng roi tơbral dôm tơdrong yoch kon pơlei Isơrael mă lu nhôn pơm glăi boih hăm Ih, inh păng hnam dơnŏ 'bok inh kư̆m pơm yoch.

Horiso 121:5

Kră Yang Tơ'ngla wei-lăng ih. Kră Yang yơ̆p pơyơ̆l kơ ti 'ma ih.

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.