II Ho 6:16 - Sơ̆p Hlabơar Nơ̆r 'Bok Kei-Dei

¹⁶ Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

II Ho 6:16 ပူးပေါင်းရင်းမြစ်များ

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 6:12

“Gah Hnam akŭm mă ih oei pơm dang ei 'nâu, tơdah ih chu pơm kiơ̆ nơ̆r Inh tơtă păng chĕp răk dôm tơdrong juăt Inh bơtho khan, wei răk nơ̆r Inh tơtă păng pơm kiơ̆, lei inh gô pơsĭt lu nơ̆r inh đei pơkă kơ 'bă ih Đawit lăm chăl arih ih.

II Ho 13:5

Đơ̆ng tơdrong pơgơ̆p 'boh, Kră Yang 'Bok Kei-Dei Isơrael đei jao boih dêh char Isơrael kơ Đawit păng lu kon drŏ-nglo sư ling-lang hlŏng hloi boih, lu iĕm ưh kơ băt hă?

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Ho 23:3

Đĭ khŭl akŭm lu sư pơm tơdrong pơgơ̆p hăm pơtao lăm hnam Kră Yang 'Bok Kei-Dei. Jêhôiada pơma hăm lu sư: “'Nâu kon drŏ-nglo pơtao sư gô pơgơ̆r kiơ̆ thoi nơ̆r Kră Yang đei khan lê̆ gah kon sâu Đawit.

II Ho 6:17

Ơ Kră Yang 'Bok Kei-Dei Isơrael ăn tơdrong mă Ih đei pơkă hăm Đawit đĭch đam Ih gơh jing.

II Ho 7:17

Bĕ ih, tơdah ih yak năm 'bơ̆t anăp Inh rok thoi 'bă ih, Đawit đei pơm, pơm kiơ̆ dôm tơdrong Inh athei pơkă kơ sư, wei răk khôi juăt păng nơ̆r Inh tơtă,

II Ho 7:18

na Inh gô ăn kơ dêh char pơtao Ih pran kơjăp thoi nơ̆r Inh pơkă pơgơ̆p hăm 'bă ih, Đawit thoi âu: Lăm adrĕch Isơrael ưh kơ'bah bơngai pơgơ̆r Isơrael.

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 119:9

Bơngai oei hơmuh hơmŏng pơm liơ wă kơ trong sư 'lơ̆ng rơgoh? Athei arih pơm kiơ̆ nơ̆r Kră Yang.

Horiso 132:11

Kră Yang đei pơkă pơkăm boih hăm Đawit. Sư ưh kơ đei sơngah dơ̆ng: “Inh gô pôk hơtŏk tơ tang-dŏ pơtao Ih. Minh 'nu kon drŏ-nglo lĕch đơ̆ng akâu akar Ih.

Horiso 132:12

Tơdah lu kon ih wei răk nơ̆r Inh pơgơ̆p. Păng nơ̆r tơtă mă Inh gô bơtho kơ lu sư, Lei kon hơ'lơ̆p lu sư kư̆m gô oei tơ kơpal tang-dŏ pơtao ih ling-lang hlŏng hloi.”

Horiso 26:3

Yua kơ tơdrong 'mêm mơnat Ih oei 'bơ̆t anăp inh, Inh kiơ̆ boih tơdrong sĭt Ih

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,