II Ho 6:14 - Sơ̆p Hlabơar Nơ̆r 'Bok Kei-Dei

¹⁴ Sư khan: “Bơnê kơkuh kơ Ih Kră Yang 'Bok Kei-Dei Isơrael kơpal plĕnh păng ala teh ưh kơ đei yang kiơ nai mă thoi Ih wei răk dôm nơ̆r đêl pơkă wă 'mêm mơnat kơ đĭch đam Ih, mưh lu sư đĭ jơhngơ̆m năm kiơ̆ Ih.

II Ho 6:14 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 33:20

Tơ anih noh sư pơm chơnang soi, sư anăn Êl Êlôhe Isơraelc

Bl 35:10

Păng khan thoi âu: Anăn ih Jakôp, dơning dơmônh ưh pă krao anăn Jakôp dơ̆ng boih, mă-lei krao anăn Isơrael. Thoi noh na Kră Yang 'Bok Kei-Dei anăn sư Isơrael.

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

II Sam 7:22

Ơ Kră Yang, Kră Yang inh, Ih boih Kră Yang Tih Hloh ưh kơ đei bu hơtŏ kơ Ih, păng ưh kơ đei Kră Yang 'Bok Kei-Dei nai hloh kơ Ih, thoi kơ đon nhôn đei kơtơ̆ng boih.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

I Pot 6:12

“Gah Hnam akŭm mă ih oei pơm dang ei 'nâu, tơdah ih chu pơm kiơ̆ nơ̆r Inh tơtă păng chĕp răk dôm tơdrong juăt Inh bơtho khan, wei răk nơ̆r Inh tơtă păng pơm kiơ̆, lei inh gô pơsĭt lu nơ̆r inh đei pơkă kơ 'bă ih Đawit lăm chăl arih ih.

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

I Ho 29:10

'Bơ̆t anăp đĭ-đăng tơpôl, Đawit bơnê kơ Kră Yang khan: Hơri bơnê kơ Ih ơ Kră Yang 'Bok Kei-Dei Isơrael 'bok lu nhôn, đơ̆ng dang ei truh tơ ning-mônh ưh kơ đei layơ tôch!

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

II Ho 20:6

Sư krao khan: “Ơ Kră Yang 'Bok Kei-Dei 'bok lu nhôn Ih hăm Kră Yang 'Bok Kei-Dei oei kơpal plĕnh? Ih boih Kră Yang 'Bok Kei-Dei wei pơgơ̆r đĭ kon bơngai păng đĭ kơ teh đak Lăm tơpang ti Ih đei tơdrong mơsêh pran kơtang ưh kơ đei bu kĕ tơblah hăm Ih.

II Ho 6:17

Ơ Kră Yang 'Bok Kei-Dei Isơrael ăn tơdrong mă Ih đei pơkă hăm Đawit đĭch đam Ih gơh jing.

Ne 1:5

Ơ Kră Yang 'Bok Kei-Dei kơ hơtăl plĕnh, wă khan Kră Yang 'Bok Kei-Dei tih hloh păng trŏ kơkuh tơ'ngla wei nơ̆r pơgơ̆p păng jơhngơ̆m 'mêm mơnat kơ lu bơngai mă kơkuh 'mêm kơ Sư păng wei răk dôm nơ̆r tơtă đơ̆ng Sư!

Horiso 86:8

Ơ Kră Yang, lăm lu yang ưh kơ đei bu thoi Ih; Dôm tơdrong jang lu sư kư̆m ưh kơ đei thoi tơdrong jang Ih.

Horiso 89:28

Inh gô 'măn lê̆ kơ sư tơdrong 'mêm inh ling-lang, Inh gô pơgơ̆p hăm sư kơjăp.

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Horiso 89:8

Ơ Kră Yang 'Bok Kei-Dei Tih Hloh, bu mơsêh thoi Ih? Tơdrong 'lơ̆ng tơpăt Ih oei tăp dăr kơ Ih.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Le 8:6

Na, Arôn yơ̆r ti sư tơklă đak krong dêh Êyiptơ, kit tih iĕ mơmŏ tŏk lanh 'bĕnh jơ̆p-jang hloi dêh Êyiptơ.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Da 9:4

Thoi noh, na inh krao khan kơ Kră Yang 'Bok Kei-Dei inh păng inh tơbral yoch inh hăm Sư. Thoi âu: Ơ! Kră Yang 'Bok Kei-Dei Tih hloh, trŏ kơ hli krưp! Ih mă oei răk dôm nơ̆r đêl pơkă păng tơdrong 'mêm mơnat kơ lu bơngai mă 'mêm kơ Ih păng lu bơngai oei răk khôi juăt Ih.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Both 3:24

Ơ Kră Yang, Ih hlôi tơ'bôh kơ đĭch đam Ih tơdrong krưp tih păng tơpang ti mơyang Ih, yua kơpal plĕnh ala teh âu ưh kơ đei yang ayơ gơh pơm tơdrong mơsêh mơyang thoi Ih.

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.