II Ho 5:7 - Sơ̆p Hlabơar Nơ̆r 'Bok Kei-Dei

⁷ Lu 'bok soi tung tơmơ̆t Hom Pơgơ̆p Kră Yang tơ lăm anih 'măn lê̆ kơ Hom Pơgơ̆p, tơ anih 'Lơ̆ng Rơgoh Hloh lăm hnam Kră Yang 'Bok Kei-Dei, tơ ala lu pơnăr rup chêrubim.

II Ho 5:7 ပူးပေါင်းရင်းမြစ်များ

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

II Ho 35:3

Sư khan kơ lu bơngai Lêwi, bơngai mă bơtho kơ đĭ-đăng kon pơlei Isơrael, bơngai Lêwi mă đe 'măn rơgoh 'lơ̆ng ăn kơ Kră Yang: Năm tah bĕ Hom 'Lơ̆ng Rơgoh tơ lăm hnam Kră Yang mă Sôlômôn kon drŏ-nglo Đawit, pơtao Isơrael đei pơm; lu iĕm huay pă tung hom noh kơpal hơngiĕng dơ̆ng. Dang ei năm bơ̆jang bĕ kơ Kră Yang 'Bok Kei-Dei lu iĕm păng kon pơlei Sư Isơrael.

II Ho 4:20

jơ̆ng kơđeng, akâu kơđeng păng maih se rơgoh wă soh tơ̆k ŭnh 'bơ̆t anăp Anih 'lơ̆ng Rơgoh hloh, kiơ̆ thoi đei pơkă;

II Ho 5:4

Wă đĭ-đăng lu kră bơngai Isơrael truh na lu bơngai Lêwi tung ba Hom Pơgơ̆p noh.

II Ho 5:6

Pơtao Sôlômôn păng đĭ-đăng lu bơngai Isơrael akŭm hơdai pơtao dơ̆ng 'bơ̆t anăp Hom Pơgơ̆p, lu sư pơyơ̆r triu, rơmo wă pơm tơmam soi lơ dêh, ưh pă kĕ chih jô̆.

II Ho 5:8

Chêrubim bơyar pơnăr sư kơpal kơ Hom Pơgơ̆p, gom klơ̆p Hom Pơgơ̆p păng đĭ 'long tơnung tung Hom.

II Ho 6:11

Tơ hnam noh inh đei tah boih Hom Pơgơ̆p đơ̆ng Kră Yang mă đei pơgơ̆p hăm bơngai Isơrael.”

Horiso 132:8

Ơ Kră Yang, iung bĕ na mơ̆t pơdơh tơ anih Ih, Ih păng hom pơgơ̆p pran kơtang Ih!

Êsêkiên 41:4

Sư pơtŏ, tor anih 'lơ̆ng rơgoh 'bar-jĭt hơgăt, wơ̆l 'bar-jĭt hơgăt păng sư khan kơ inh: “'Nâu anih 'lơ̆ng rơgoh hloh”.