II Ho 5:13 - Sơ̆p Hlabơar Nơ̆r 'Bok Kei-Dei

¹³ Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

II Ho 5:13 ပူးပေါင်းရင်းမြစ်များ

I Ho 16:4

Sư ăn mơ'nah lu bơngai Lêwi bơ̆jang awih awăn 'bơ̆t anăp Hom Pơgơ̆p Kră Yang, wă krao khan bơnê kơkuh kơ Kră Yang 'Bok Kei-Dei Isơrael.

II Ho 20:21

Đang kơ sư đei pơma pơđâu hăm kon pơlei pơla boih, na sư rơih iŏk đei khŭl hơri wă ư-ang kơ Kră Yang rang rŏ hơri bơnê ư-ang Kră Yang 'lơ̆ng rơgoh rang rŏ, lu sư yak adrol kơ khŭl linh, ôr khan: “Bơnê bĕ kơ Kră Yang. Tơdrong Sư 'mêm mơnat oei oei ling-lang.”

II Ho 20:22

Kơplah lu sư oei hơri kơkuh bơnê, Kră Yang hơmet minh khŭl răp blah bơngai Ammôn, bơngai Môap păng lu bơngai oei 'bơ̆t Kông Sêir oei năm blah bơngai Juđa ră na păng lu sư thuơ đĭ.

II Ho 7:1

Đang kơ Sôlômôn krao khan Kơplah noh đei ŭnh đơ̆ng plĕnh jruh soh sa tơmam soi 'buh păng lu tơmam soi pơyơ̆r; tơdrong ư-ang rang mơnhal Kră Yang jur mơ̆t 'bĕnh kơ hnam akŭm.

II Ho 7:2

Lu 'bok soi ưh kơ gơh kơ mơ̆t tơ lăm hnam akŭm Kră Yang, yua kơ tơdrong ư-ang mơsêh mơyang rang mơnhal mơ̆t 'bĕnh jơ̆p-jang kơ hnam akŭm Kră Yang hloi.

II Ho 7:3

Lăp đĭ-đăng kon pơlei Isơrael 'bôh ŭnh păng mơsêh mơyang rang mơnhal Kră Yang jur tơ hnam; na lu Sư drap bon tơ teh kơkuh kơ Kră Yang khan: “Tơpă Sư 'lơ̆ng, tơdrong Sư 'mêm mơnat oei oei ling-lang!

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Horiso 100:5

Yua kơ Kră Yang 'lơ̆ng, tơdrong 'mêm Sư oei oei ling-lang. Păng tơdrong 'lơ̆ng tơpăt Sư dĭng truh tơ ning-mônh.

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 107:1

Bơnê bĕ kơ Kră Yang, yua kơ Sư pơm 'lơ̆ng; Tơdrong 'mêm Sư oei oei ling-lang.

Horiso 118:1

Bơnê bĕ kơ Kră Yang, Yua kơ Sư 'lơ̆ng; Tơdrong 'mêm Sư oei oei ling-lang.

Horiso 150:3

Hlôm bĕ keng bơnê ư-ang kơ Sư. Reh bĕ brŏ dung păng tĭng-nĭng na hơri bơnê kơ Sư.

Horiso 150:5

Yua bĕ chhar preh hơri ư-ang kơ Sư. Tôn bĕ chĭng chêng mă re hơri ư-ang kơ sư.

Horiso 22:4

'Bok yă nhôn sơ̆, gơnang kơ Ih. Lu sư lui gơnang na Ih pơklaih lu sư.

Horiso 81:2

Pơre bĕ tơ'nguơ̆ hơri păng teh hơgơ̆r iĕ, reh bĕ brŏ dung tơmơ̆t păng tĭng-nĭng.

Le 29:43

Tơ noh Inh kư̆m wă gô tơ'bơ̆p lu kon pơlei Isơrael: 'Bơ̆t anih 'noh hăm tơdrong ư-ang Inh wă pơm kơ anih noh jing rơgoh 'lơ̆ng.

Êsai 52:8

Mơ̆ng bĕ nơ̆r lu bơngai gak! Lu sư hơri hiôk chơt hơdai; yua kơ măt lu sư 'bôh kơplah Kră Yang chông ba bơnă wih brŏk tơ Siôn.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Rom 15:6

Thoi noh na đĭ-đăng kơ iĕm jing pôm 'bơ̆r pôm đon ư-ang Kră Yang 'Bok Kei-Dei mă 'Bă Yŏng Kơdră bơ̆n Yêsu Krist.

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.