II Ho 5:12 - Sơ̆p Hlabơar Nơ̆r 'Bok Kei-Dei

¹² Lu bơngai Lêwi hơri, noh Asap, Hêman păng Jêđuthun, lu kon drŏ-nglo sư lu 'nhŏng oh sư hrŭk hơbĕn ao che 'bui se rơmuăn, preh chhar, reh brŏ dung, tĭng-nĭng đĭ-đăng lu sư dơ̆ng gah hơlĕch kơ chơnang soi hơdai hăm minh-hrĕng 'bar-jĭt 'nu 'bok soi hlôm keng.

II Ho 5:12 ပူးပေါင်းရင်းမြစ်များ

I Ho 13:8

Pơtao Đawit păng đĭ-đăng bơngai Isơrael đĭ jơhngơ̆m chơt hiôk 'bơ̆t anăp Kră Yang 'Bok Kei-Dei, hơri, reh brŏ, ot brŏ, teh hơgơ̆r iĕ, preh chhar păng hlôm keng hiôk chơt.

I Ho 15:24

Sêbania, Jôsaphat, Nêthanêl, Amasai, Sachari, Bênaia, păng Êliêser, lu 'bok soi, hlôm keng 'bơ̆t anăp Hom Pơgơ̆p Kră Yang 'Bok Kei-Dei. Ôbêt Eđôm păng Jêhiia gak 'măng 'bơ̆t anăp hom pơgơ̆p.

I Ho 15:27

Đawit păng lu bơngai Lêwi tung hom pơgơ̆p, lu bơngai hơri, Kênania, yŏng pơgơ̆r lu bơngai hơri, tă kơ hrŭk ao tai che 'bui ngăl; Đawit kư̆m hrŭk tơ akâu sư minh blah ao êphot păng che 'bui.

I Ho 23:30

Rim pơgê păng rim kơsơ̆, lu bơngai Lêwi athei dơ̆ng tơ noh kơkuh bơnê păng hơri ư-ang kơ Kră Yang

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

I Ho 6:33

'Nâu lu bơngai bơ̆jang hơdai hăm kon drŏ-nglo lu sư: Lăm kon sâu Kôhat: Đei Hêman bơngai gơh hơri, kon drŏ-nglo Jôel, Jôel kon drŏ-nglo Samuel,

I Ho 6:39

Asap, 'nhŏng oh Hêman, bơ̆jang gah 'ma kơ sư. Asap kon drŏ-nglo Bêrekia, Bêrekia kon drŏ-nglo Simêa,

II Ho 29:25

Pơtao sư dan 'măn lê̆ lu bơngai Lêwi lăm Hnam Kră Yang chĕp chhar, brŏ dung, tĭng-nĭng kiơ̆ kơ Đawit, Gat 'bok 'bôh adrol, jang kơ pơtao păng Nathan 'bok khan lê̆ adrol, pơkă noh đơ̆ng Kră Yang ăn kơ lu 'bok khan lê̆ adrol tơbăt.

II Ho 29:26

Lu bơngai Lêwi chĕp brŏ đơ̆ng Đawit, lu 'bok soi chĕp keng,

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 50:1

Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

Horiso 62:1

Bơhngol inh pơdơh hiôk lăm minh Kră Yang 'Bok Kei-Dei đĕch; Tơdrong dŏng pơklaih inh đơ̆ng Sư.

Horiso 68:25

Lu bơngai hơri yak adrol lu brŏ reh kiơ̆ đơ̆ng rŏng. Tŏk-bŏk đei lu adruh teh hơgơ̆r.

Horiso 88:1

Ơ Kră Yang, 'Bok Kei-Dei, Tơ'ngla dŏng pơklaih inh măng năr inh krao ôr 'bơ̆t anăp Ih.

Horiso 92:3

Lăm Brŏ mơjĭt dăng tơlei păng tĭng-nĭng. Reh tơmơ̆t hăm brŏ dung.

Tơdrông Tơ'bôh 15:6

Na tơpơh 'nu lu linh jang mă wă iŏk tơpơh pơnhan đak pơgang wă pơmat đe ei, lu sư lĕch đơ̆ng hnam 'Bok Kei-Dei noh tă hrŭk ao tai kok rơgoh ngăl păng chô̆ gơ'năm maih tơ kơtơh lu sư.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.