II Ho 5:1 - Sơ̆p Hlabơar Nơ̆r 'Bok Kei-Dei

¹ Lăp, dôm tơdrong jang Sôlômôn pơm hnam Kră Yang đang keh boih, Sôlômôn iŏk tơmơ̆t dôm tơmam mă 'bă sư Đawit pơyơ̆r: Hu, maih păng đĭ-đăng tơmam yua, tah lăm hnam mong tơmam hnam Kră Yang 'Bok Kei-Dei.

II Ho 5:1 ပူးပေါင်းရင်းမြစ်များ

II Sam 8:11

Pơtao Đawit 'măn lê̆ lu tơmam đe ăn wă pơyơ̆r kơ Kră Yang, kư̆m thoi sư đei 'măn lê̆ lu hu maih đơ̆ng lu bơngai mă sư đei blah pơjei iŏk.

I Pot 7:39

Sư dan pơđăm tŏ gre gah gơal pơđăm tŏ gre gah yă-nơ̆m kơ hnam akŭm. Sư kư̆m pơdơ̆ng bơng đak 'bơ̆t mum thoi dơnâu 'noh sư kư̆m 'măn gah 'ma, sư tơwih gah hơlĕch gơal kơ Hnam akŭm.

I Pot 7:51

Đĭ-đăng dôm tơdrong jang pơtao Sôlômôn pơm Hnam akŭm Kră Yang pơm keh đĭ, đang kơ 'noh pơtao Sôlômôn wơh đe chĕp đĭ dôm tơmam 'bă sư Đawit pơyơ̆r sư 'măn lê̆ lăm hnam mong tơmam, lu hu, maih păng dôm tơmam yua nai dơ̆ng mơ̆n, tah lăm Hnam Kră Yang.

I Ho 18:11

Pơtao Đawit pơyơ̆r lu tơmam noh kơ Kră Yang hơdai hăm hu, maih mă sư đei blah iŏk đơ̆ng char Eđôm, char Môap char Ammôn, char Philistin, hăm char Amalek.

I Ho 22:14

'Nâu inh gleh hrat chă wă kơ đei tơmam pơm Hnam Kră Yang, pêng-rơbâu puăn-hrĕng pơđăm-jĭt tân maih, pêng-jĭt puăn-rơbâu tân hu, kong hăm bơsei ưh kơ kĕ jô̆ ôh, inh kư̆m chă 'long lơ păng tơmo. Ăn kơ lu iĕm chă thim dơ̆ng.

II Ho 4:22

Săng chơkep kăt brai kơlăm mong pham, pơnhan, bô̆i tah tơmam 'bâu phu, kư̆m pơm hăm maih se; lu măng hnam akŭm, lu tơnang 'măng lăm anih 'lơ̆ng Rơgoh Hloh păng lu 'măng hnam Kră Yang 'Bok Kei-Dei tă kơ pơm păng maih se ngăl.