II Ho 4:8 - Sơ̆p Hlabơar Nơ̆r 'Bok Kei-Dei

⁸ Sư kư̆m pơm mơjĭt tŏ gơ'bang, tah lăm hnam akŭm, pơđăm tŏ gah gơal, pơđăm tŏ gah yă-nơ̆m, kư̆m đei pơm minh-hrĕng tŏ kơlăm păng maih wă mong pham.

II Ho 4:8 ပူးပေါင်းရင်းမြစ်များ

I Pot 7:48

Pơtao Sôlômôn sư kư̆m pơm tơmam yua lăm Hnam akŭm Kră Yang sư pơm chơnang soi hăm maih; sư kư̆m pơm gơ'bang 'măn 'bĕng hăm maih.

II Ho 4:19

Sôlômôn pơm đĭ-đăng lu tơmam yua lăm hnam Kră Yang 'Bok Kei-Dei; chơnang soi maih, lu gơ'bang yua wă dan 'bĕng rơgoh;

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsêkiên 44:16

Lu sư boih gô mơ̆t lăm anih 'lơ̆ng rơgoh Inh lu sư boih gô năm 'bơ̆t jê̆ chơnang soi wă bơ̆jang kơ Inh; awih awăn kơ Inh.

Sa 14:20

Lăm năr noh, gô chhơ̆ chư tơ krĕng-nĕng aseh thoi âu: “'LƠ̆NG RƠGOH KƠ KRĂ YANG!” Lu gŏ lăm hnam Kră Yang gô nhen thoi lu pơnhan kơpal gơ'bang soi.

Malachi 1:12

Mă-lei lu iĕm pơma kơnê̆ 'mê̆ brư̆ kơ anăn Inh boih khan: “Gơ'bang soi Kră Yang 'mê̆-'mach, tơmam soi kơpal gơ'bang noh trŏ kơ pơjăm.”

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.