II Ho 4:7 - Sơ̆p Hlabơar Nơ̆r 'Bok Kei-Dei

⁷ Sư pơm mơjĭt tŏ jơ̆ng kơđeng hăm maih kiơ̆ kơ đei pơkă; na tah sư tơ lăm hnam akŭm, pơđăm tŏ gah gơal, pơđăm tŏ gah yă-nơ̆m.

II Ho 4:7 ပူးပေါင်းရင်းမြစ်များ

I Pot 7:39

Sư dan pơđăm tŏ gre gah gơal pơđăm tŏ gre gah yă-nơ̆m kơ hnam akŭm. Sư kư̆m pơdơ̆ng bơng đak 'bơ̆t mum thoi dơnâu 'noh sư kư̆m 'măn gah 'ma, sư tơwih gah hơlĕch gơal kơ Hnam akŭm.

I Pot 7:49

Jơ̆ng ŭnh kơđeng sư pơm hăm maih se, pơđăm tŏ sư 'măn gah 'ma, pơđăm tŏ gah 'ngiĕo, 'bơ̆t anăp anih rơgoh hloh, sư kư̆m ăn pơm lu pơkao, ŭnh kơđeng păng săng kep kăt păng maih.

I Ho 28:12

Pơtao kư̆m pơjao dơ̆ng đĭ-đăng rup đơ̆ng Yang Bơhngol mă đei ăn lăm kơ̆l đon sư, gah hnam Kră Yang păng gah lu anih puăn pah, gah hnam tah tơmam Kră Yang 'Bok Kei-Dei păng gah lu hnam 'măn tơmam pơyơ̆r,

I Ho 28:14

Pơtao kŏng ăn dôm yơ maih gah lu tơmam păng maih yua lăm lu tơdrong jang, kŏng ăn dôm yơ hu kơ lu tơmam wă pơm păng hu, wă yua lăm lu tơdrong jang.

I Ho 28:15

Kŏng ăn dôm yơ maih wă pơm lu jơ̆ng ŭnh kơđeng păng akâu kơđeng, kŏng ăn maih kơ rim jơ̆ng ŭnh kơđeng păng akâu sư. Kŏng ăn dôm yơ hu wă pơm jơ̆ng păng akâu ŭnh kơđeng; kŏng ăn tôm kơ wă pơm jơ̆ng păng akâu ŭnh kơđeng păng hu.

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”