II Ho 4:6 - Sơ̆p Hlabơar Nơ̆r 'Bok Kei-Dei

⁶ Sư kư̆m đei pơm mơjĭt tŏ bơng iĕ, wă ôp hơrao dan pơđăm tŏ gah gơal, pơđăm tŏ gah yă-nơ̆m, wă ôp dôm lu tơmam soi 'buh; bơng tih wă lê̆ kơ lu 'bok soi ôp hơrao tơ noh,

II Ho 4:6 ပူးပေါင်းရင်းမြစ်များ

I Pot 7:38

Sư pơm mơjĭt tŏ bơng đak, man hling hăm kong, lăm minh tŏ bơng đak 'noh sư mong tuh đei tơhngam-hrĕng tơhngam-jĭt lit đak, minh pôm bơng đak kơjung sư 'bar hlok, sư tah lu bơng đak noh tơ lăm mơjĭt tŏ gre, minh pôm gre minh pôm bơng đak noh.

I Pot 7:40

Sư kư̆m pơm gŏ glah chơ'mŏng păng kơthao. Thoi noh. Hiram bơ̆jang keh dôm tơdrong jang mă pơtao Sôlômôn pơjao ăn kơ sư jang lăm Hnam akŭm Kră Yang.

II Ho 4:2

Sư hling minh pôm Bơng hăm kong, wĭl hơpôm dang ăi đơ̆ng âu truh tơ to mơjĭt hơgăt, jrŭ sư pơđăm hơgăt; sư pơtŏ tăp dăr pêng-jĭt hơgăt.

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Le 29:4

Thoi noh, ih athei chông Arôn hăm lu kon drŏ-nglo sư năm 'bơ̆t anăp 'măng Bơsŭn Anih Akŭm, ih iŏk đak tuh hum lu sư,

Le 30:17

Kră Yang khan kơ Môis:

Êsêkiên 40:38

Đei minh anih đei 'măng jih kơdeng 'măng jang, tơ noh đe ôp tơmam soi 'buh.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Hêbrơ 9:23

Dôm tơdrong rơgoh noh sơ̆, rơgoh yua kơ đe soi kơ 'Bok Kei-Dei hăm pham sem. Dôm tơdrong rơgoh noh, wă pơtih gia kơ tơdrong tơ plĕnh ti. Tơdrong tơ plĕnh ti kăl hloh. Na lu bơ̆n bơngai wă tŏk tơ plĕnh ti, wă gơnang kơ pham sem thoi lu bơngai noh sơ̆, ưh kơ gơh klaih đơ̆ng tơdrong yoch ôh. Bơ̆n athei gơnang kơ pham tơ'ngla mă soi kơ 'Bok Kei-Dei hăm pham Sư kơdih noh đĕch klaih.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.