II Ho 4:19 - Sơ̆p Hlabơar Nơ̆r 'Bok Kei-Dei

¹⁹ Sôlômôn pơm đĭ-đăng lu tơmam yua lăm hnam Kră Yang 'Bok Kei-Dei; chơnang soi maih, lu gơ'bang yua wă dan 'bĕng rơgoh;

II Ho 4:19 ပူးပေါင်းရင်းမြစ်များ

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

I Ho 28:16

Sư kư̆m kŏng ăn kơsô̆ maih kơ lu gơ'bang 'măn 'bĕng, kơ gơ'bang 'măn 'bĕng 'lơ̆ng rơgoh păng kŏng ăn hu kơ lu gơ'bang pơm păng hu;

II Ho 2:3

Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.

II Ho 4:8

Sư kư̆m pơm mơjĭt tŏ gơ'bang, tah lăm hnam akŭm, pơđăm tŏ gah gơal, pơđăm tŏ gah yă-nơ̆m, kư̆m đei pơm minh-hrĕng tŏ kơlăm păng maih wă mong pham.

Je 28:3

Lăm 'bar sơnăm đơ̆ng rŏng, dôm tơmam gĭt lăm hnam Kră Yang mă đêl Nebukatnessar pơtao Babilôn iŏk đơ̆ng anih âu ba tơ char Babilôn, na Inh gô iŏk pơdrâu tơ anih âu.’ ”

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Mathiơ 12:4

Lu sư mơ̆t tơ hnam 'Bok Kei-Dei tơm. Đawit sư ưh kơ pơm 'bok soi ră, mă-lei sư gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh iŏk sa, mă-lei lu bôl Đawit gơh iŏk sa mơ̆n.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.

Tơdrông Tơ'bôh 9:13

Klaih kơ noh linh jang mă tơdrâu sư hlôm keng, na inh kơtơ̆ng 'bơ̆r pơma đơ̆ng lăm puăn tŏ ake chăt 'bơ̆t puăn pah mum chơnang soi maih đe 'măn 'bơ̆t anăp 'Bok Kei-Dei noh,