II Ho 4:11 - Sơ̆p Hlabơar Nơ̆r 'Bok Kei-Dei

¹¹ Huram kư̆m man gŏ tah ngar, gơ'bênh păng pơnhan tô. Huram pơm keh tôm dôm tơdrong mă đơ̆ng pơtao Sôlômôn jao ăn kơ sư lăm hnam Kră Yang 'Bok Kei-Dei;

II Ho 4:11 ပူးပေါင်းရင်းမြစ်များ

I Pot 7:13

Pơtao Sôlômôn wơh bơngai năm krao wơ̆n Hiram đơ̆ng pơlei Tirơ.

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

I Ho 18:8

Đawit kư̆m blah iŏk mam kong lơ dêh, đơ̆ng pơlei Tiba hăm pơlei Kun lăm teh đak Hadadêser; mam kong noh pơtao Sôlômôn yua pơm bơng mong đak, jrăng păng lu tơmam yua nai.

II Ho 4:12

Đei 'bar tŏ jrăng păng đei 'bar tŏ pơnhan pơkao tŏng-mŏng kơpal kơ 'bar tŏ kơ̆l jrăng, đei lu hơdrao klơ̆p lê̆ kơpal kơ̆l jrăng;