II Ho 4:1 - Sơ̆p Hlabơar Nơ̆r 'Bok Kei-Dei

¹ Sư pơm chơnang soi hăm kong, tor kơjung 'bar-jĭt hơgăt, wơ̆l 'bar-jĭt hơgăt, kơjung mơjĭt hơgăt.

II Ho 4:1 ပူးပေါင်းရင်းမြစ်များ

I Pot 8:22

Đang kơ noh pơtao Sôlômôn dơ̆ng 'bơ̆t anăp chơnang soi Kră Yang 'bơ̆t anăp đĭ-đăng kon pơlei Isơrael. Sư yơ̆r ti tơ kơpal:

I Pot 8:64

Lăm năr 'noh pơtao Sôlômôn sư klah sư 'măn lê̆ minh anih tŏk-bŏk cham 'bơ̆t anăp, Hnam akŭm Kră Yang; tơ anih 'noh sư wă pơyơ̆r tơmam soi 'buh, tơmam soi pơyơ̆r phe 'ba, păng tơmam soi rơmă tơmam soi 'blŏk bơnê, yua chơnang pơm hăm kong noh iĕ, ưh kơ mah wă dan đĭ dôm lu tơmam soi 'buh, tơmam soi pơyơ̆r phe 'ba, lu rơmă tơmam soi 'blŏk bơnê.

I Pot 9:25

Pêng wơ̆t lăm minh sơnăm Sôlômôn juăt kơ pơyơ̆r tơmam soi 'buh păng tơmam pơyơ̆r apinh tơdrong hiôk-hian tơ kơpal chơnang soi mă sư đei pơm ăn kơ Kră Yang păng soh tơmam 'bâu phu hai 'bơ̆t anăp Kră Yang. Sư pơm pơkeh Hnam akŭm.

II Ho 1:5

Gah chơnang soi păng kong mă Bêsalel, kon drŏ-nglo Uri, sâu Hur pơm boih dan 'bơ̆t anăp Bơsŭn Anih Akŭm Kră Yang; Sôlômôn hăm lu tơpôl akŭm chă Kră Yang tơ noh.

II Ho 15:8

Wă Asa kơtơ̆ng boih nơ̆r 'nâu păng nơ̆r khan lê̆ adrol đơ̆ng Asaria kon drŏ-nglo Ôdet, jơhngơ̆m sư hiôk na sư nuih pơ̆n pơrăm lê̆ đĭ lu rup yang kơnê̆ đơ̆ng lăm jơ̆p kơ Juđa păng Bênjamin, hăm đơ̆ng lăm lu pơlei mă đêl lu sư 'nao blah iŏk tơ kơpal kông groi Êphraim; sư pơdơ̆ng hơmet chơnang soi Kră Yang 'bơ̆t anăp kơdeng hnam Kră Yang.

II Ho 29:18

Lu sư mơ̆t lăm hnam pơtao Hesekia păng khan: “Lu nhôn đei hơmet rơgoh đĭ boih hnam Kră Yang, chơnang soi pơyơ̆r tơmam soi 'buh păng đĭ tơmam yua, gô 'bang dan 'bĕng păng đĭ tơmam yua sư.

II Ho 7:7

Sôlômôn 'măn lê̆ minh anih tŏk-bŏk cham 'bơ̆t anăp hnam akŭm Kră Yang; tơ noh boih mă sư pơyơ̆r tơmam soi 'buh păng rơmă pơm tơmam soi kơ tơdrong hiôk-hian, yua kơ lu chơnang soi păng kong mă đêl Sôlômôn pơm noh ưh kơ mah wă dan đĭ lu tơmam soi 'buh, tơmam soi phe 'ba păng rơmă.

II Ho 8:12

Sôlômôn pơyơ̆r tơmam soi 'buh ăn kơ Kră Yang tơ kơpal chơnang soi Kră Yang mă sư đei pơm 'bơ̆t kơdeng anăp 'măng hnam akŭm.