II Ho 34:9 - Sơ̆p Hlabơar Nơ̆r 'Bok Kei-Dei

⁹ Lu đe noh năm tơ Hilkia 'bok soi tơm, jao ăn kơ sư jên đe pơyơ̆r kơ Kră Yang 'Bok Kei-Dei, wă khan lu jên kăk bơngai Lêwi lu bơngai wei 'măng jang mă đei iŏk bơih đơ̆ng ti lu bơngai Manase, bơngai Êphraim păng lu bơngai mă oei arih lăm lu bơngai Isơrael, kư̆m iŏk đơ̆ng lu bơngai Juđa, Bênjamin păng đơ̆ng lu kon pơlei oei lăm pơlei Jêrusalem.

II Ho 34:9 ပူးပေါင်းရင်းမြစ်များ

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Ho 30:10

Lu bơngai mă năm ba hla bơar năm tơ jơ̆p-jang đơ̆ng pơlei âu truh tơ pơlei nai lăm teh đak Êphraim, Manase păng truh tơ teh đak Sabulôn, đei bơngai hiĕk ăr che bơle kơ lu sư.

II Ho 30:18

Mă khan đei lơ mơ'nah đơ̆ng adrĕch Êphraim, Manase, Isakar păng Sabulôn tam mă hơmet akâu rơgoh kư̆m sa 'nhĕm giĕng Năm brih, ưh kơ kiơ̆ tơdrong juăt mă đei chih răk; mă-lei Hesekia krao khan ăn kơ lu sư:

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

II Ho 34:10

Lu sư jao jên noh kơ lu bơngai wei-lăng tơdrong jang lăm Hnam Kră Yang; lu sư apah thơ̆ wă pơm hơmet ming hnam akŭm Kră Yang.

II Ho 34:18

Saphan bơngai chih hla bơar khan dơ̆ng kơ pơtao: “Hilkia 'bok soi tơm đei jao kơ inh sơ̆p hla bơar khôi juăt.” Saphan đŏk hloi 'bơ̆t anăp pơtao.

II Ho 34:20

Pơtao athei Hilkia, Ahikam kon drŏ-nglo Saphan, Apđôn kon drŏ-nglo Mika. Saphan bơngai chih hla bơar păng Asaia bơngai kơiĕng pơtao khan:

II Ho 34:22

Hilkia păng lu bơngai mă pơtao đei wơh năm tơ'bơ̆p Hulda yă khan lê̆ adrol, akăn Sallum bơngai wei-lăng ao giĕng, Sư kon drŏ-nglo Tôkhat, Sâu Hasra; yă Hulda sư oei lăm Tơring mă 'bar lăm pơlei tih Jêrusalem; lu sư khan kơ yă ei kiơ̆ thoi nơ̆r pơtao đei tơtă.

II Ho 35:8

Lu yŏng pơgơ̆r kư̆m đei jơhngơ̆m wă asong kon sem pơm tơmam soi pơyơ̆r ăn kơ kon pơlei, ăn kơ lu 'bok soi păng lu bơngai Lêwi. Hilkia, Sachari păng Jêhiêl lu kră wei-lăng Hnam Kră Yang 'Bok Kei-Dei ăn kơ lu 'bok soi 'bar-rơbâu tơdrâu-hrĕng tŏ triu bơbe pơm tơmam soi Năm Brih păng pêng-hrĕng tŏ rơmo wă sa lăm năr giĕng Năm Brih.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.