II Ho 34:5 - Sơ̆p Hlabơar Nơ̆r 'Bok Kei-Dei

⁵ Sư kư̆m iŏk kơting lu 'bok soi na soh rŭk tơ kơpal lu chơnang mă lu sư juăt kơ soi kơ lu yang noh, na hơmet rơgoh char Juđa păng Jêrusalem.

II Ho 34:5 ပူးပေါင်းရင်းမြစ်များ

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

II Pot 23:16

Lăp Jôsia hue lăng, 'bôh hĭ lu bơsat tơ kơpal kông; na sư wơh bơngai năm iŏk kơting đơ̆ng lăm bơsat noh, đơ̆ng noh soh tơ kơpal chơnang soi, pơm kơ chơnang soi kơnê̆ 'mê̆-'mach thoi nơ̆r Kră Yang, mă đơ̆ng bơngai 'Bok Kei-Dei yua tơ'ngla mă roi tơbăt lê̆ adrol bơih kơ tơdrong noh.

II Pot 23:20

Sư pơlôch lê̆ lu 'bok soi mă jang lăm anih yang pơm kơpal anih kơjung, sư pơlôch kơtă kơpal chơnang soi hloi, soh rŭk lê̆ kơting đe noh. Đơ̆ng noh sư brŏk tơ Pơlei Jêrusalem.

II Ho 34:33

Jôsia iŏk hŭt lê̆ đĭ dôm rup yang kơnê̆ 'mê̆ Krưp đơ̆ng lăm tơring char Isơrael păng athei đĭ-đăng kon pơlei oei lăm tơring char Isơrael kơkuh gơnang kơ Kră Yang 'Bok Kei-Dei. Lăm đĭ chăl pơtao lu kon pơlei ưh kơ achăng lê̆ Kră Yang, 'Bok Kei-Dei 'bok lu sư.

II Ho 34:7

Sư teh pơrăm lê̆ lu chơnang soi lu gơ̆ng rup yang Asêria, teh pơchah lê̆ lu gơ̆ng đe pơm yang jơ̆p kơ tơring char Isơrael, na sư wih brŏk tơ pơlei Jêrusalem.

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Êsêkiên 22:24

Ơ kon bơngai, khan bĕ kơ teh đak. ‘E jing teh đak ưh kơ goh, ưh kơ đei 'mi tih lăm năr Inh hil’.

Jo 35:33

Lu iĕm 'nĕ kơ pơm kơnê̆ 'mê̆-'mach kơ teh iĕm wă oei; yua kơ đơ̆ng pham pơm mơgrĭ kơ teh đak; ưh kơ đei kiơ mă gơh pơm kơ teh rơgoh dơ̆ng dah đei bơngai tuh pham pơlôch đe, lăp minh tơdrong đĕch pơm mơgrĭ kơ teh, mưh ưh kơ pơlôch plơ̆ sư tuh pham lei ưh kơ gơh huai iŏk teh noh ôh.