II Ho 33:3 - Sơ̆p Hlabơar Nơ̆r 'Bok Kei-Dei

³ Sư man pơdơ̆ng ming dơ̆ng lu anih kơjung mă 'bă sư Hesekia đei pơrăm lê̆, pơm tơiung chơnang soi ăn kơ yang Baal păng man rup yang Asêra, kơkuh kơ đĭ-đăng lu khei sơnglŏng tơ plĕnh, drap păng kơkuh kơ lu tơmam noh.

II Ho 33:3 ပူးပေါင်းရင်းမြစ်များ

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 23:11

Lu sư teh pơpuh lu aseh mă lu pơtao đe Juđa pơyơ̆r ăn kơ yang măt 'năr, pơdơ̆ng 'bơ̆t 'măng mơ̆t tơ Hnam akŭm kơkuh kơ Kră Yang, jê̆ hnam linh krĕo anăn sư Nathan Mêlek, 'bơ̆t cham Hnam akŭm,’ Jôsia soh rŭk lê̆ đĭ lu gre aseh pơyơ̆r kơ yang măt 'năr.

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Ho 28:24

Ahas iŏk lu tơmam yua lăm hnam Kră Yang, na teh pơchah lê̆ păng tang chĭt lê̆ 'măng hnam Kră Yang; na sư pơdơ̆ng chơnang soi tơ rim mum trong lăm pơlei Jêrusalem.

II Ho 30:14

Lu sư iung iŏk hŭt lê̆ chơnang đe soi kơ yang nai lăm pơlei Jêrusalem păng chơnang soh 'long 'bâu phu, klơ̆m hŭt lê̆ đĭ tơ lăm thŭng Kidrôn.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

II Ho 32:12

Hăm trŏ kơ đơ̆ng Hesekia mă đei pơrăm lê̆ lu anih kơjung păng chơnang soi kơ Kră Yang păng krao pơtơm kon pơlei Juđa păng kon pơlei Jêrusalem khan: Lu iĕm athei kơkuh păng soh tơmam 'bâu phu 'bơ̆t anăp kơ minh pôm chơnang soi 'nâu đĕch?

II Ho 33:15

Sư hŭt lê̆ đĭ lu rup yang đơ̆ng lăm hnam Kră Yang dôm lu rup yang bơngai tơmoi păng chơnang soi mă đêl sư đei man tơ groi hnam Kră Yang tơ pơlei Jêrusalem, sư klơ̆m hŭt đĭ tơ 'nguaih pơlei.

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

II Ho 34:25

Yua kơ lu sư achăng lê̆ Inh boih, soh 'long 'bâu phu kơ yang nai, yua dôm tơdrong đơ̆ng ti lu sư pơm na tơblĕk Inh; lei na Inh gô tuh tơdrong Inh hil mĭl tơ anih 'nâu, ưh kơ đei layơ ngach.’

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Bôk Bơthô 2:19

Bu băt bơngai noh hơgei dah mă kơtul mă khan thoi yơ, sư gô wei pơgơ̆r dôm tơdrong kiơ mă inh đei pơm yua tơdrong gơh hơgei păng jang gleh hrat inh noh kư̆m kơ đei.

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Je 17:2

Kon sâu lu sư kư̆m 'blŏk dơ̆ng kơ chơnang soi păng lu gơ̆ng rup yang Asêra mă đêl lu sư pơm, Tơ yơ̆p 'long hơmŭl. Tơ grôn groi kơjung.

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Both 16:21

'Bơ̆t cheng chơnang soi kơ Kră Yang 'Bok Kei-Dei iĕm, 'nĕ kơ pơm gơ̆ng rup yang Asêrim.

Both 17:3

năm bơ̆jang păng kơkuh kơ lu yang nai, thoi măt 'năr, măt khei dah lu sơnglŏng kơpal plĕnh, wă khan pơglăi dôm tơdrong Inh đei bơtho akhan;

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.