II Ho 33:2 - Sơ̆p Hlabơar Nơ̆r 'Bok Kei-Dei

² Sư pơm tơdrong kơnê̆ 'bơ̆t anăp Kră Yang kiơ̆ lu tơdrong kơnê̆ krưp dêh lu kon pơlei pơla mă Kră Yang puh tơweh boih đơ̆ng anăp lu bơngai Isơrael.

II Ho 33:2 ပူးပေါင်းရင်းမြစ်များ

II Pot 17:11

Tơ noh lu sư soh pơyơ̆r tơmam soi kơpal kông, thoi lu adrĕch adrung mă Kră Yang đei puh tơweh boih đơ̆ng lu sư; lu sư pơm kơnê̆ păng tơblĕk Kră Yang.

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

II Pot 21:9

Mă-lei lu sư ưh kơ mơ̆ng ôh, lu sư chu Manase pơhlŭ pơlung lu sư pơm tơdrong kơnê̆ lơ hloh kơ lu adrĕch adrung mă Kră Yang hlôi pơrăm pơtôch bơih 'bơ̆t anăp bơngai Isơrael.

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

II Ho 33:22

Sư pơm tơdrong kơnê̆ tơpă 'bơ̆t anăp Kră Yang nhen thoi Manase, 'bă sư đei pơm boih, kơkuh pơyơ̆r kơ lu rup yang đe man dah traih mă 'bă sư Manase đei pơm păng kơkuh kơ lu yang rup noh.

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

Esơra 9:14

Thoi noh na liơ nhôn wă pơm yoch kơ khôi juăt Ih dơ̆ng lĕ, oei iŏk klo kăn hăm lu adrĕch adrung mă oei kơkuh tơdrong kơnê̆ dah kiơ? Hăm trŏ ih gô hil mĭl, Ih gô pơrăm lu nhôn, truh tơ mah pă đei bu oei arih, ưh kơ đei bu gơh klaih dah kiơ?

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Êsêkiên 11:12

Na lu iĕm gô băt Inh boih Kră Yang, yua kơ lu iĕm ưh kơ kiơ̆ khôi juăt Inh, ưh kơ wei răk tơdrong Inh tơtă, mă-lei pơm kiơ̆ tơdrong juăt teh đak jum dăr kơ iĕm.”

Both 12:29

Kră Yang 'Bok Kei-Dei iĕm gô pơlôch lu adrĕch adrung mă iĕm wă blah iŏk, na oei hloi tơ lăm dêh lu sư.

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Both 18:14

Lu adrĕch adrung mă iĕm gô puh lê̆, noh lu bơngai pơm pơjâu, lu chă hlang lăng lu bơngai chă khan lê̆ adrol; mă gah iĕm Kră Yang 'Bok Kei-Dei iĕm ưh kơ ăn ôh iĕm pơm thoi noh.

Both 18:9

Mưh lu iĕm mơ̆t boih lăm dêh mă Kră Yang 'Bok Kei-Dei iĕm ăn. 'Nĕ kơ pơhrăm pơm rok kiơ̆ dôm lu tơdrong kơnê̆ krưp lu adrĕch adrung noh pơm.