II Ho 32:8 - Sơ̆p Hlabơar Nơ̆r 'Bok Kei-Dei

⁸ Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

II Ho 32:8 ပူးပေါင်းရင်းမြစ်များ

II Pot 18:5

Hesekia gơnang kơ Kră Yang 'Bok Kei-Dei đe Isơrael; lei na lu pơtao đơ̆ng rŏng kơ sư, dah lăm lu pơtao adrol kơ sư, ưh kơ đei bu thoi sư.

II Pot 6:16

Êlisê khan: “'Nĕ kơ hli đei lu bơngai oei hăm bơ̆n lơ hloh kơ bơngai oei hăm lu sư.”

I Ho 5:22

Kŭm đei lơ bơngai lôch, yua kơ đei Kră Yang 'Bok Kei-Dei wang tơblah lăm năr tơblah băl 'nâu. Lu sư oei tơ noh hloi dĭng truh tơ đe rôp chông ba năm pơm bơnă.

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

II Ho 14:10

Asa năm sơng tơ'bơ̆p sư, săp linh năm tơblah tơ lăm thŭng Sêphatha jê̆ pơlei Marêsa.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

II Ho 32:15

Thoi ei na, dang ei lê̆ pă ăn kơ Hesekia pơhlŭ lu iĕm, pơthơr chông lu iĕm, lu iĕm 'nĕ pă lui kơ sư, yua kơ ưh kơ đei yang char kiơ mă dêh ayơ gơh pơklaih kon pơlei sư đơ̆ng ti inh, dah đơ̆ng ti lu 'bok inh sơ̆; tơma kiơ Kră Yang 'Bok Kei-Dei lu iĕm khan gơh dŏng pơklaih lu iĕm đơ̆ng ti inh!’ ”

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Horiso 118:8

Gơnang kơ Kră Yang đĕch hloh kơ gơnang kơ kon bơngai.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Tơdrông Pơđơk 12:25

Tơdrong ơh sơ'ngon kon bơngai pơm kơ sư rai trăp; Mă-lei đei nơ̆r rơngơp pơm kơ sư chơt hiôk.

Êsai 30:32

Rim wơ̆t mưh Kră Yang iŏk sơnguĕt wă teh lu sư, na đe gô kơtơ̆ng re hơgơ̆r iĕ, re brŏ. Kră Yang gô yơ̆r ti blah lu sư.

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Êsai 36:18

Kơchăng bĕ, kơnh hli kơ pơtao Hesekia pơhlŭ pơlung lu iĕm khan: ‘Kră Yang gô dŏng pơklaih lu bơ̆n hăm đei ưh yang lu teh đak đe nai, gơh dŏng pơklaih teh đak lu sư đơ̆ng ti pơtao Asiri?

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

Je 42:11

'Nĕ kơ hli kơ pơtao Babilôn, bơngai mă lu iĕm oei hli.’ ” Kră Yang khan: “'Nĕ pă hli dơ̆ng, yua kơ Inh oei hơdai iĕm gô dŏng pơklaih iĕm đơ̆ng ti sư.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Jang 18:10

Yua kơ Inh oei hơdai păng ih ling-lang ưh kơ đei bu gơh pơrăm ih ôh, yua kơ đei lơ bơngai lăm pơlei âu gô lui kơ Inh.”

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 20:3

Na sư khan: Ơ lu bơngai Isơrael mơ̆ng bĕ! Năr âu lu bơ̆n gô năm tơblah hăm lu bơngai ayăt lu iĕm 'nĕ rơdu lêl 'nĕ kơ hli, 'nĕ kơ tơrơ, 'nĕ kơ lăng krưp.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

II Tim 4:22

Inh apinh Kră Yang Yêsu Krist oei păng ih ling-lang păng apinh Sư wei-lăng rim 'nu kơ iĕm tôm tơdrong.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.

I Sam 17:45

Đawit khan kơ bơngai Philistin: Ih chĕp đao, năm blah inh, gah inh; inh yua anăn Kră Yang Tih Hloh, noh Kră Yang 'Bok Kei-Dei lu linh bơngai Isơrael, mă lu iĕm pơjăm pơjuă.