II Ho 32:4 - Sơ̆p Hlabơar Nơ̆r 'Bok Kei-Dei

⁴ Kon pơlei đei akŭm băl lơ tơpă, bơ̆ găn lê̆ lu tu đak ro rok tơring păng khan: “Liơ lu bơ̆n lê̆ lu pơtao Asiri năm chă 'bôh đak lơ dêh?”

II Ho 32:4 ပူးပေါင်းရင်းမြစ်များ

I Pot 19:21

Êlisê tơklah đơ̆ng Êli brŏk, sư rôp 'bet sa minh đôi rơmo, đơ̆ng noh iŏk 'long rơuơ blah pơm 'long ŭnh 'buh pai 'nhĕm rơmo, đơ̆ng noh pai ăn kơ lu đam sa. Đang boih sư iung năm kiơ̆ Êli pơm jơ̆ng 'bang păng bơ̆jang kơ sư.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

II Pot 18:13

Lăm sơnăm mă mơjĭt-puăn, chăl pơtao Hesekia pơgơ̆r, Senacherip, pơtao đe Asiri năm blah lu pơlei tih kơjăp, lăm dêh Juđa păng lu sư iŏk pơlei noh.

II Pot 18:9

Truh lăm sơnăm mă puăn, chăl pơtao Hesekia pơgơ̆r 'blep kơ sơnăm mă tơpơh, chăl Hôsêa, kon drŏ-nglo Êlah, pơtao đe Isơrael, na Salmaneser, pơtao đe Asiri năm blah pơlei Samari, wang tăp kơ pơlei noh.

II Pot 19:17

“Ơ Kră Yang! Tơpă, lu pơtao đe Asiri pơrăm đĭ lu adrĕch adrung păng pơrăm lu bri seh teh choh lu sư.

II Pot 20:20

Dôm lu tơdrong hơ'mon nai gah Hesekia, tơdrong pơgơ̆r, tơdrong sư man pơm đak dơnâu păng pơm hơbong pơro đak tơmơ̆t lăm pơlei, đe đei chih tơ lăm sơ̆p hla bơar hơ'mon gah lu pơtao đe Juđa?

II Ho 30:14

Lu sư iung iŏk hŭt lê̆ chơnang đe soi kơ yang nai lăm pơlei Jêrusalem păng chơnang soh 'long 'bâu phu, klơ̆m hŭt lê̆ đĭ tơ lăm thŭng Kidrôn.

II Ho 32:1

Đơ̆ng rŏng kơ lu tơdrong noh tơdrong mă Hesekia pơm 'lơ̆ng tơpăt noh, na Senacherip pơtao Asiri năm mơ̆t lăm char Juđa, wang lu pơlei tih kơjăp wă blah iŏk.

II Ho 32:3

na sư krao akŭm lu yŏng pơgơ̆r păng lu bơngai yŏng linh nuih kơtang wă bơ̆ tu đak tơ 'nguaih kơ pơlei; đe noh tơgŭm sư mơ̆n.

II Ho 32:30

Hesekia 'nâu mơ̆n đei bơ̆ chĭt tu đak Gihôn na pơchoh lê̆ sư ro tơ gah bơmơ̆t cheng kơ Pơlei Đawit. Hesekia gơh đei jing ngăl lăm rim tơdrong jang sư.

Êsai 10:8

Sư khan: “Lu kră pơgơ̆r lu bơ̆n ưh kơ trŏ pơtao ngăl hă?

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 22:9

Lu iĕm 'bôh lơ trong hơđang pơchah lăm pơlei Đawit; na iĕm mong đak đơ̆ng dơnâu gah ala.

Na 3:14

Iĕm athei chhŏ mong hiă đak wă găn đe wang, pơm mă kơjăp kơđông ih. Pơjuă bĕ trôk, jrâu hăm teh lơ̆n păng pơm hơmet ming hnam pơm găch mă kơjăp.