II Ho 32:31 - Sơ̆p Hlabơar Nơ̆r 'Bok Kei-Dei

³¹ Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

II Ho 32:31 ပူးပေါင်းရင်းမြစ်များ

Bl 22:1

Đang kơ dôm tơdrong noh keh boih, na Kră Yang 'Bok Kei-Dei pơlong lăng Abraham. Sư khan thoi âu: “Ơ Abraham!” Abraham tơl: “Inh tơ âu.”

II Ho 32:24

Kơplah noh Hesekia đei tơdrong jĭ wă jê̆ lôch; sư krao khan apinh Kră Yang păng Kră Yang ăn kơ sư hlĭch tơpă.

II Ho 32:25

Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

II Ho 32:32

Dôm lu tơdrong jang nai Hesekia păng dôm lu tơdrong 'lơ̆ng sư pơm đei chih răk đĭ lăm sơ̆p hla bơar tơdrong tơ'bôh Êsai 'bok khan lê̆ adrol, kon drŏ-nglo Amôt păng kư̆m chih răk lăm Sơ̆p hla bơar lu pơtao Juđa păng pơtao Isơrael.

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Tơdrông Pơđơk 17:3

Gŏ pơtŏ rơ̆ hu, lu tơnuh ŭnh 'buh pơlong maih; Mă-lei đei Kră Yang pơlong lăng jơhngơ̆m.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Yo 15:5

“Thoi noh na Inh wă roi kơ iĕm mă nhên dơ̆ng: Inh thoi lĕ kơ tơm 'long, iĕm thoi lĕ kơ dơng, tơ'bla, sơdrai. Bơngai bu oei kơjăp lăm Inh, Inh oei lăm sư mơ̆n, bơngai 'noh sư gô đei plei trem. Dah ưh kơ đei Inh, iĕm ưh kơ gơh pơm kiơ ôh.

Both 13:3

Na 'nĕ kơ mơ̆ng ôh nơ̆r bơngai khan lê̆ adrol noh dah lu bơngai apo noh roi, yua kơ Kră Yang 'Bok Kei-Dei lu iĕm pơlong lăng lu iĕm, wă băt kơ lu iĕm hăm đĭ jơhngơ̆m klơm klak đĭ đon tơchĕng 'mêm kơ Kră Yang 'Bok Kei-Dei lu iĕm dah ưh.

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Ya 1:13

Tơ̆ng bơ̆n đei tơdrong pơhlŭ, pơm kơ bơ̆n yoch boih, bơ̆n 'nĕ khan 'Bok Kei-Dei pơhlŭ. Yua kơ ưh kơ đei bu gơh pơhlŭ 'Bok Kei-Dei pơm yoch păng 'Bok Kei-Dei ưh kơ đei layơ wă pơhlŭ kon bơngai pơm yoch.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Lu 16:20

Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.