II Ho 32:25 - Sơ̆p Hlabơar Nơ̆r 'Bok Kei-Dei

²⁵ Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

II Ho 32:25 ပူးပေါင်းရင်းမြစ်များ

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

II Pot 14:10

Ih blah bơih adrĕch lu đe Eđôm jei ih păng jơhngơ̆m 'bĕnh kơ tơdrong pơang. Ih ư-ang tơdrong jei noh lăm hnam ih bĕ; yua kơ kiơ ih 'maih pơm ăn kơdih akâu đei tơdrong răm truh păng pơm kơ char Juđa hiong răm?”

II Pot 20:12

Lăm kơplah noh, Mêrôđak Balađan, kon drŏ-nglo Balađan, pơtao đe Babilôn wơh bơngai năm ăn kơ Hesekia kơthơ păng tơmam yua kơ sư kơtơ̆ng Hesekia jĭ.

II Pot 20:13

Hesekia kơtơ̆ng lu đe ei roi, sư hiôk dêh, na sư chông lu đe ei năm lăng anih mong tơmam sư, maih, hu, tơmam 'bâu phu rơmă ôliwơ gĭt păng lăng anih mong tơmam tơblah păng lăng tôm tơmam lăm hnam sư mong noh. Sư ăn lu đe ei lăng đĭ-đăng tôm tơmam lăm hnam sư păng tôm tơmam lăm dêh char sư đei, sư ăn kơ lu đe ei lăng đĭ, ưh kơ lon minh pôm tơmam kiơ.

I Ho 21:1

Yang Satan iung pơm kơ Isơrael păng pơdrŭt Đawit wă kơ jô̆ kơ̆l bơngai Isơrael.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 24:18

Lu sư achăng lê̆ Hnam Kră Yang 'Bok Kei-Dei 'bok lu sư, na kơkuh kơ yang Asêra păng kơkuh kơ lu rup man; đơ̆ng tơdrong yoch 'nâu, na đei Kră Yang 'Bok Kei-Dei hil mĭl kơ lu bơngai Juđa păng kon pơlei Jêrusalem.

II Ho 25:19

Ih khan: Lăm to inh blah iŏk boih char Eđôm na jơhngơ̆m ih pơrŏ pơang pơư kơdih akâu. Dang ei oei bĕ hnam, liơ wă pơrăm kơdih akâu păng dêh char Juđa kư̆m răm kiơ̆?”

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

Êsai 39:1

Kơplah noh Mêrôđak Balađan, kon Balađan, pơtao Babilôn wơh bơngai năm ba hla kơthơ păng tơmam pơyơ̆r ăn kơ Hesekia, yua kơtơ̆ng ang sư jĭ dêh păng klaih bơih.

Êsai 39:2

Hesekia hiôk sơng iŏk lu sư, na sư ăn năm lăng lăm hnam pơtao, anih lê̆ tơmam gĭt thoi kơ: Hu, maih, pơgang 'bâu phu, đak plei ôliwơ gĭt hăm năm lăng anih 'măn lu tơmam tơblah păng dôm lu tơmam gĭt lăm anih hnam sư, mă tơmam kiơ kiơ lăm anih pơtao păng lăm jơ̆p kơ dêh char pơtao sư, ưh kơ đei minh pôm tơmam yă kiơ mă Hesekia ưh kơ ăn kơ lu bơngai tang măt ăn kơ dêh char Babilôn lăng.

Êsêkiên 28:17

Jơhngơ̆m ih pơang yua kơ ih 'lơ̆ng. Tơdrong ư-ang ih pơm kơ ih hiong răm tơdrong gơh hơgei. Inh klơ̆m hŭt ih tơ teh 'bơ̆t anăp lu pơtao, Inh jao ih wă ăn kơ lu sư lăng.

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 28:5

Đơ̆ng tơdrong gơh hơgei mơdro sa noh ih jing mơdrŏng tih thoi noh na jơhngơ̆m ih pơang yua kơ ih mơdrŏng tih.

Êsêkiên 31:10

Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Da 11:12

Lu linh gah yă-nơ̆m noh tơklah tơklang đĭ, na lăm jơhngơ̆m pơtao gah gơal pơang, Sư khan sư gô pơlôch pơrăm lơ rơbâu hơngan bơngai, mă-lei ưh kơ kĕ jei sư ôh.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

I Tim 3:6

Bơngai bu 'nao lui sư ưh kơ gơh wei-lăng bơngai lui ôh, hli kơ sư pơang akâu kơdih, na 'Bok Kei-Dei phak sư kư̆m thoi phak yang Satan sơ̆ mơ̆n.