II Ho 32:21 - Sơ̆p Hlabơar Nơ̆r 'Bok Kei-Dei

²¹ Kră Yang ăn minh 'nu linh jang 'lơ̆ng năm pơlôch pơrăm lê̆ lu linh pran kơtang lu yŏng pơgơ̆r lu linh lăm kơđông pơtao Asiri. Pơm kơ pơtao kơdŭn wih brŏk tơ char sư kơdih, mơlâu pă băt. Kơplah sư mơ̆t tơ hnam yang sư, đei mơ'nah lăm lu kon drŏ-nglo sư iŏk đao pơlôch hloi sư tơ lăm noh.

II Ho 32:21 ပူးပေါင်းရင်းမြစ်များ

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

II Pot 19:20

Êsai kon drŏ-nglo Amôt wơh bơngai năm khan kơ Hesekia, khan: Kră Yang 'Bok Kei-Dei lu bơngai Isơrael khan: Inh kơtơ̆ng bơih nơ̆r ih krao khan gah tơdrong Senacherip, pơtao đe Asiri.

II Ho 32:20

Pơtao Hesekia păng Êsai 'bok khan lê̆ adrol kon drŏ-nglo Amôt, krao khan kơ tơdrong 'nâu, krao khan ôr tŏk truh tơ plĕnh.

II Ho 32:22

Thoi noh Kră Yang pơklaih Hesekia păng kon pơlei lăm Jêrusalem đơ̆ng ti Senacherip pơtao Asiri păng đơ̆ng ti lu bơngai ayăt nai, ăn kơ lu sư hiôk-hian đơ̆ng puăn pah.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 132:18

Inh gô pơhrŭk ăn tơdrong mơlâu kơ lu bơngai ayăt kơ sư. Gah môk pơtao tơ kơpal kơ̆l Sư gô rang hơdah.”

Horiso 18:50

Kră Yang ăn kơ pơtao Sư jei jơneig tih tơpă, Sư ăn tơdrong mơnat kơ bơngai mă Sư tuh đak rơmă, kơ Đawit, Păng kơ lu kon, sâu sư ling-lang hloi.

Horiso 44:15

Tơdrong mơlâu 'bơ̆t anăp inh rim năr. Tơdrong mơlâu gom đĭ muh măt inh,

Horiso 76:12

Sư gô hŭt lê̆ tơdrong pơang, đơ̆ng lu yŏng mơng; Pơm kơ lu pơtao lăm teh đak, hli tơrơ kơ Sư.

Horiso 76:5

Lu bơngai nuih kơtang đe tơgar iŏk tơmam tơblah lu sư đĭ boih. Lu sư tep hlŏng hloi pă đei bu nuih pran mă oei gơh hiŏng kơkŏng ti.

Horiso 76:6

Ơ Kră Yang 'Bok Kei-Dei Jakôp, mưh Ih hil chrih, Gre aseh păng lu aseh pơ̆k lôch đĭ

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Tơdrông Pơđơk 11:2

Mưh tơdrong pơang truh, duh đei hloi tơdrong mơlâu. Mă-lei tơdrong hơgei oei ling-lang lăm bơngai iŏk đon ala.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Êsai 10:8

Sư khan: “Lu kră pơgơ̆r lu bơ̆n ưh kơ trŏ pơtao ngăl hă?

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

Êsai 36:9

Ih ưh kơ gơh puh tơweh lê̆ minh 'nu yŏng linh iĕ hloh lăm lu yŏng tơ'ngla inh, mă khan ih gơnang kơ dêh Êyiptơ wă kơ đei gre aseh păng lu linh kư̆m ưh kơ kĕ.

Êsai 37:21

Êsai kon drŏ-nglo Amôt wơh bơngai năm pơtruh nơ̆r kơ pơtao Hesekia: Kră Yang Kră Yang 'Bok Kei-Dei Isơrael khan thoi âu: Yua kơ ih đei krao khan apinh Inh wă pơm kơ Senakêrip, pơtao Asiri;

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.