II Ho 32:17 - Sơ̆p Hlabơar Nơ̆r 'Bok Kei-Dei

¹⁷ Pơtao kư̆m chih hla bơar pơjăm Kră Yang 'Bok Kei-Dei Isơrael păng khan: “Lu yang lăm dêh char nai ưh kơ kĕ dŏng pơklaih kon pơlei char lu sư đơ̆ng ti inh kư̆m lei-lăi mơ̆n Kră Yang 'Bok Kei-Dei Hesekia kư̆m ưh kơ kĕ pơklaih kon pơlei sư đơ̆ng ti inh!”

II Ho 32:17 ပူးပေါင်းရင်းမြစ်များ

II Pot 19:11

'Nâu ih kơtơ̆ng bơih dôm lu tơdrong mă pơtao Asiri hlôi pơm ăn kơ dôm lu dêh char iĕm pơrăm lê̆ đĭ-đăng: Bĭ ih kơnh klaih hă?

II Pot 19:12

Lu yang kơ lu adrĕch adrung nai mă lu 'bok kơdră inh hlôi pơrăm bơih, noh yang char Gôsan, pơlei Haran, Rêtsep, păng lu bơngai Êđen oei tơ Pơlei Têl Asar, sư gơh dŏng pơklaih lu sư mơ̆n hă?

II Pot 19:14

Hesekia đei iŏk kơthơ đơ̆ng ti lu bơngai ăn kơ sư, na sư đŏk. Đơ̆ng noh sư năm tơ hnam akŭm kơkuh kơ Kră Yang, păng pơih kơthơ ei 'bơ̆t anăp Kră Yang.

II Pot 19:22

Ih pơjăm pơ'brơh kơ bu? Ih pơma re kơ bu? Tơpă, măt ih pơang lăng pơgloh kơ bu. Noh ih blah Yang 'Lơ̆ng Rơgoh, lu đe Isơrael!

II Pot 19:28

Yua kơ ih hil blĕk kơ inh păng yua kơ nơ̆r ih pơang, kơtơ̆ng truh tơ đon Inh bơih, sĭt Inh gô tôt gơwang 'bơ̆t muh ih, Inh tah dam bơsei pơhơ̆p 'bơ̆r ih. Đơ̆ng noh Inh pơm kơ ih wơ̆t brŏk kiơ̆ đêl trong mă ih hlôi năm bơih.

II Pot 19:9

Na pơtao Asiri kơtơ̆ng đe roi gah Tirhaka pơtao đe Êthiôpi: “Sư chông ba linh wă tơblah hăm ih.” Yua kơ noh Senacherip athei bơngai năm tơ Hesekia dơ̆ng păng pơkă khan.

II Ho 32:14

Lăng lăm lu yang dôm dêh char mă lu 'bok inh đei pơrăm đĭ boih, hăm đei yang bu mă gơh dŏng pơklaih kon pơlei sư đơ̆ng ti inh? Lei liơ mă iĕm hơmĕng dêh khan Kră Yang 'Bok Kei-Dei lu iĕm gơh dŏng pơklaih lu iĕm đơ̆ng ti inh?

II Ho 32:16

Lu Yŏng linh Senacherip kang pơma kơnê̆ kơ Kră Yang 'Bok Kei-Dei păng Hesekia đĭch đam sư.

Ne 6:5

'Măng mă pơđăm, Sanbalat wơh minh 'nu bơngai đĭch sư kư̆m năm thoi adrol, đei chĕp kơthơ mă ưh kơ 'blir lê̆ kơthơ noh.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 37:14

Hesekia đei iŏk kơthơ đơ̆ng ti lu bơngai năm roi păng đŏk lăng, Na sư năm tơ hnam Kră Yang, pơih kơthơ noh 'bơ̆t anăp Kră Yang;

Tơdrông Tơ'bôh 13:6

Sư pơma blông kơ 'Bok Kei-Dei păng anăn 'Bok Kei-Dei mơ̆n păng sư pơma kơnê̆ kơ anih 'Bok Kei-Dei oei, hăm lu bơngai mă oei tơ plĕnh ti.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.