II Ho 32:11 - Sơ̆p Hlabơar Nơ̆r 'Bok Kei-Dei

¹¹ Hăm trŏ Hesekia pơhlŭ pơlung wă jao iĕm pơngot rơhing na lôch dah kiơ? Sư khan: Kră Yang 'Bok Kei-Dei lu bơ̆n gô dŏng pơklaih lu bơ̆n đơ̆ng ti pơtao Asiri noh.

II Ho 32:11 ပူးပေါင်းရင်းမြစ်များ

II Pot 18:27

Mă-lei Rapsaka tơl khan: “Hăm trŏ kơ yŏng tơ'ngla inh wơh inh năm tơ âu wă pơma hăm yŏng tơ'ngla iĕm păng hăm iĕm đĕch, na ưh kơ pơma hăm lu bơngai mă oei dơ̆ng kơpal dur lu bơngai mă gô sa ĭch nhă đak hơyô kơdih thoi lu iĕm noh hă?”

II Pot 18:30

Kŭm 'nĕ ăn kơ sư pơtrŭt lu iĕm lui gơnang kơ Kră Yang khan: Kră Yang gơh pơklaih bơ̆n păng pơlei âu ưh kơ huŏng lăm ti lu đe Asiri ôh.”

II Pot 19:10

“Iĕm athei khan thoi âu kơ Hesekia pơtao đe Juđa: 'Nĕ ăn kơ Kră Yang 'Bok Kei-Dei Tơ'ngla mă ih gơnang noh hơlĕnh kơ ih, khan: Pơlei Jêrusalem ưh kơ huŏng lăm ti pơtao đe Asiri.

II Ho 32:10

“Senacherip, pơtao Asiri, khan: ‘Lu iĕm gơnang kơ tơdrong kiơ, mă oei pơjăng pơlei Jêrusalem mă nhôn wang tăp boih thoi noh!

II Ho 32:12

Hăm trŏ kơ đơ̆ng Hesekia mă đei pơrăm lê̆ lu anih kơjung păng chơnang soi kơ Kră Yang păng krao pơtơm kon pơlei Juđa păng kon pơlei Jêrusalem khan: Lu iĕm athei kơkuh păng soh tơmam 'bâu phu 'bơ̆t anăp kơ minh pôm chơnang soi 'nâu đĕch?

II Ho 32:15

Thoi ei na, dang ei lê̆ pă ăn kơ Hesekia pơhlŭ lu iĕm, pơthơr chông lu iĕm, lu iĕm 'nĕ pă lui kơ sư, yua kơ ưh kơ đei yang char kiơ mă dêh ayơ gơh pơklaih kon pơlei sư đơ̆ng ti inh, dah đơ̆ng ti lu 'bok inh sơ̆; tơma kiơ Kră Yang 'Bok Kei-Dei lu iĕm khan gơh dŏng pơklaih lu iĕm đơ̆ng ti inh!’ ”

Horiso 22:8

“Sư gơnang kơ Kră Yang, wă kơ Kră Yang dŏng pơklaih sư; Tơpă Kră Yang gô pơklaih sư; Yua kơ Kră Yang 'mêm kơ sư.”

Horiso 3:2

Lơ bơngai khan kơ bơhngol inh: “Kră Yang 'Bok Kei-Dei ưh kơ đei pơklaih sư ôh!” Sêla

Horiso 42:10

Prăt năr ngăl apinh: “Kră Yang 'Bok Kei-Dei ih tơ yơ?” Kơplah lu sư pơjăm inh pơm kơ kơting inh thoi tơgơ̆ đĭ.c

Horiso 71:11

Păng khan: “Kră Yang 'Bok Kei-Dei achăng lê̆ sư boih; Bĕ druh rôp sư, yua kơ ưh kơ đei bu dŏng pơklaih sư.”

Êsai 36:12

Mă-lei Rapsaka tơl: “Yŏng inh, wơh inh roi dôm nơ̆r noh, hăm trŏ roi ăn kơ yŏng iĕm hăm lu iĕm đĕch? Ưh kơ trŏ ôh hă kư̆m roi ăn kơ lu bơngai oei tơ kơpal dur pơlei, lu bơngai mă wă jê̆ lôch hơdai hăm lu iĕm, sa ĭch kơdih, nhă đak hơyô kơdih?”

Êsai 36:18

Kơchăng bĕ, kơnh hli kơ pơtao Hesekia pơhlŭ pơlung lu iĕm khan: ‘Kră Yang gô dŏng pơklaih lu bơ̆n hăm đei ưh yang lu teh đak đe nai, gơh dŏng pơklaih teh đak lu sư đơ̆ng ti pơtao Asiri?

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”