II Ho 32:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ lu tơdrong noh tơdrong mă Hesekia pơm 'lơ̆ng tơpăt noh, na Senacherip pơtao Asiri năm mơ̆t lăm char Juđa, wang lu pơlei tih kơjăp wă blah iŏk.

II Ho 32:1 ပူးပေါင်းရင်းမြစ်များ

II Pot 15:19

Pul, pơtao đe Asiri mơ̆t tơgar dêh char sư, na Mênahem ăn kơ 'bok ei minh-rơbâu talâng jên hua wă kơ 'bok ei tơgŭm pơm ăn kơ dêh char sư kơjăp lăm tơdrong sư pơgơ̆r.

II Pot 17:6

Lăm sơnăm mă tơsĭn, chăl Hôsêa; pơtao đe Asiri blah iŏk Pơlei Samari, chông ba kon pơlei Isơrael tơ char Asiri, ăn lu sư oei 'bơ̆t Pơlei Hala păng 'bơ̆t đak krong Habôr tơ char Gôsan păng oei tơ lơ lu pơlei lăm dêh char Mêđi.

II Pot 18:11

Pơtao đe Asiri chông ba lu kon pơlei Isơrael năm tơ Asiri, ăn kơ lu sư oei tơ Hala, 'bơ̆t đak Krong Habôr lăm tơring Gôsan păng ăn mơ'nah lu sư oei tơ lu pơlei lăm tơring Mêđi.

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

II Ho 32:2

Wă Hesekia 'bôh Senacherip năm wă kơ blah iŏk pơlei Jêrusalem,

II Ho 35:20

Đơ̆ng rŏng đĭ kơ tơdrong 'lơ̆ng noh, đang kơ Jôsia hơmet Hnam Kră Yang boih, na Nêkô pơtao đe Êyiptơ tŏk blah tơ pơlei Karchêmis cheng đak Krong Ơphrat; Jôsia năm găn blah lu sư.

Êsai 10:32

Năr 'nâu bơih lu sư dơ̆ng 'bơ̆t pơlei Nôp, Sư hiŏng ti Sư blah hăm lu kon pơlei Siôn, tơ kông groi pơlei Jêrusalem.

Êsai 36:1

Lăm sơnăm măt mơjĭt-puăn chăl pơtao Hesekia pơgơ̆r, Senakêrip pơtao dêh char Asiri, năm blah lu pơlei kơjăp lăm dêh char Juđa păng iŏk đĭ.

Êsai 37:37

Thoi noh Senakêrip pơtao Asiri wih brŏk oei tơ pơlei Niniwe.

Hôsia 11:5

Lu sư ưh pă wih hơlơ̆k tơ dêh char Êyiptơ dơ̆ng, mă-lei bơngai Asiri gô pơm pơtao lu sư, yua kơ lu sư arăng kơ̆l ưh kơ wă wih brŏk tơ Inh.

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.