II Ho 30:8 - Sơ̆p Hlabơar Nơ̆r 'Bok Kei-Dei

⁸ 'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

II Ho 30:8 ပူးပေါင်းရင်းမြစ်များ

II Pot 23:26

Mă-lei, Kră Yang oei blĕk, Sư hil mĭl kơ lu bơngai Juđa ưh kơ hơi ôh, oei ơh blĕk yua kơ tơdrong yoch mă Manase oei pơm

I Ho 29:24

Đĭ-đăng lu yŏng pơgơ̆r, păng lu bơngai nuih pran kơtang păng đĭ kơ lu kon drŏ-nglo pơtao Đawit pơkă wă chu yom pơm kiơ̆ pơtao Sôlômôn.

II Ho 28:11

Na dang ei mơ̆ng bĕ inh, tơbrŏk đĭ-đăng lu bơnă mă đêl lu iĕm rôp noh lu 'nhŏng oh iĕm kơdih 'mơ̆i. Kră Yang oei hil mĭl kơ lu iĕm.”

II Ho 28:13

Na lu sư khan: “Iĕm 'nĕ kơ tơmơ̆t lu bơnă tơ âu; Kơnh lu bơ̆n gô pơm yoch hăm Kră Yang, lu iĕm wă pơklăm thim tơdrong yoch lu bơ̆n rai dêh, yua kơ tơdrong yoch bơ̆n tih dêh boih na Kră Yang hil mĭl tơtŏ dêh truh kơ bơngai Isơrael.”

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

II Ho 6:5

‘Đơ̆ng năr Inh chông tơlĕch kon pơlei pơla inh đơ̆ng dêh char Êyiptơ, Inh ưh tam mă đei rơih iŏk ôh pơlei ayơ đơ̆ng lăm lu adrĕch Isơrael wă pơm hnam kơ Anăn Inh tơ noh păng Inh kư̆m tam mă đei rơih bu pơm pơtao pơgơ̆r lu bơngai Isơrael Inh;

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

II Ho 7:16

Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

Esơra 10:14

Thoi noh, apinh lu 'bok kuan tih dơ̆ng tơ noh tơplih kơ lu nhôn wă pơma dŏng kon pơlei mă trŏ; mă bơngai bu lăm pơlei lu nhôn đei iŏk lu bơngai tơmoi pơm akăn, athei pơm kiơ̆ kơ năr đei hơgăt, hăm lu đe kră păng 'bok sek tơlang kơtă pơlei, wă hơmet tơdrong âu dĭng truh tơ layơ mă Kră Yang hil mĭl kơ nhôn gơh ngach rơngơp.

Esơra 10:19

Lu sư pơkă wă hrĕch achăng lê̆ akăn lu sư kơdih păng pơyơ̆r minh pôm triu dăm pơm tơmam soi wă huai đơ̆ng yoch lu sư kơdih.

Horiso 63:2

'Bôh tơdrong mơyang păng, tơdrong ư-ang Ih. Thoi inh 'bôh Ih lăm anih rơgoh.

Horiso 68:24

Ơ Kră Yang 'Bok Kei-Dei đe 'bôh boih Ih năm sơng. Ih jơ̆ Kră Yang 'Bok Kei-Dei sơng inh, Pơtao inh, năm tơ anih rơgoh.

Horiso 68:31

Lu bơngai tơpăt gô lĕch đơ̆ng char Êyiptơ. Bơngai Êthiôpi gô hăt hot yơ̆r ti krao apinh Kră Yang 'Bok Kei-Dei.

Horiso 73:17

Dĭng truh tơ inh mơ̆t lăm anih rơgoh Kră Yang 'Bok Kei-Dei, Lei inh băt gah năr tôch lu sư.

Horiso 78:49

Sư tuh tơdrong hil, tơdrong hil mĭl dêh. Tơdrong hil mĭl păng pơmat-tat. Wơh minh khŭl linh jang chă pơrăm.

Le 32:9

Kră Yang khan kơ Môis: Inh 'bôh boih kon pơlei pơla âu jing kon pơlei pơla arăng kơ̆l tơpă.

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Rom 10:21

Gah lu bơngai Isơrael 'Bok Kei-Dei khan: “Inh oei chang gô lu bơngai Isơrael ling-lang wă kơ lu sư jah wih tơ Inh, mă-lei lu sư oei arăng kơ̆l ưh kơ wă wih ôh.”

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Both 10:16

Na lu iĕm, athei băt hli yom kơ Kră Yanga 'nĕ pă arăng kơ̆l dơ̆ng.

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Both 6:17

Athei kơchăng wei răk dôm lu nơ̆r Kră Yang tơtă păng nơ̆r Sư tơbăt, khôi juăt Sư mă inh đei bơtho ăn kơ iĕm.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Tơdrông Tơ'bôh 7:15

Thoi noh na dang ei lu sư oei 'bơ̆t anăp tang-dŏ 'Bok Kei-Dei, kơkuh kơ 'Bok Kei-Dei ling-lang măng năr tơ noh. Pơtao bơ̆n 'Bok Kei-Dei kư̆m oei hơdai lu sư. Lu sư huay pă đei tơdrong truh dơ̆ng boih.