II Ho 30:5 - Sơ̆p Hlabơar Nơ̆r 'Bok Kei-Dei

⁵ Lu sư tơtă pơkă wă chă roi tơbăt jơ̆p-jang kơ char Isơrael, iŏk đơ̆ng pơlei Bêrsêba truh tơ pơlei Đan, wă kơ kon pơlei năm pơm giĕng Năm Brih 'blŏk hơdơ̆r Kră Yang 'Bok Kei-Dei Isơrael tơ pơlei Jêrusalem; yua kơ lu sư ưh tam mă biơh năm pơm giĕng năm brih wă kơ 'blŏk hơdơ̆r kiơ̆ kơ tơdrong juăt đei pơkă sơ̆.

II Ho 30:5 ပူးပေါင်းရင်းမြစ်များ

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

II Ho 24:9

Đơ̆ng noh năm roi tơbăt tơ jơ̆p lăm char Juđa păng pơlei Jêrusalem rim 'nu athei năm pơyơ̆r jên ăn kơ Kră Yang kiơ̆ thoi Môis đĭch đam Kră Yang 'Bok Kei-Dei đei pơkă ăn boih kơ lu bơngai Isơrael tơ lăm tơmăn glă.

II Ho 30:4

Pơtao păng đĭ-đăng lu kon pơlei lăng tơdă akŭm noh trŏ boih.

II Ho 35:18

Đơ̆ng chăl Samuel 'bok khan lê̆ adrol, lăm bơngai Isơrael đe ưh tam đei pơm giĕng Năm Brih tih thoi noh; păng kư̆m ưh kơ đei pơtao ayơ lăm Isơrael mă pơm 'blŏk hơdơ̆r năr giĕng Năm Brih thoi pơtao Jôsia, hăm lu 'bok soi bơngai Lêwi, đĭ kon pơlei Juđa păng Isơrael mă đei tơ noh păng kon pơlei đơ̆ng Jêrusalem đei pơm noh.

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

Da 6:8

Dang ei, ơ pơtao, chih pơkăm tơbăt bĕ păng kĭ hloi măt ih lăm noh, wă kơ kĭ huay kơ tơplih, kiơ̆ thoi tơdrong juăt bơngai Mêđi păng bơngai Pherơsơ, ưh pă gơh tơplih boih.

Lêwi 23:2

Athei roi bĕ kơ kon pơlei Isơrael: 'Nâu năr pơm giĕng tih đơ̆ng Kră Yang 'Bok Kei-Dei lu iĕm đei pơkă jing năr akŭm 'lơ̆ng rơgoh.

Lêwi 23:4

'Nâu lu năr Kră Yang pơkă boih, năr akŭm kơkuh 'lơ̆ng rơgoh, lu iĕm athei ră roi bĕ kơ đe mưh truh năr mă đei pơkă bơih.

I Kor 11:2

Inh bơnê kơ iĕm tơpă yua kơ iĕm 'blŏk hơdơ̆r kơ inh ling-lang lăm tôm tơdrong păng iĕm kư̆m kiơ̆ dôm tơdrong juăt bơngai lui mă inh bơtho đơ̆ng sơ̆.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.