II Ho 30:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai mă năm ba hla bơar năm tơ jơ̆p-jang đơ̆ng pơlei âu truh tơ pơlei nai lăm teh đak Êphraim, Manase păng truh tơ teh đak Sabulôn, đei bơngai hiĕk ăr che bơle kơ lu sư.

II Ho 30:10 ပူးပေါင်းရင်းမြစ်များ

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

II Ho 30:6

Thoi noh lu bơngai năm tơbăt tơ jơ̆p kơ dêh char Isơrael păng char Juđa năm ba hla bơar pơtao păng lu yŏng pơgơ̆r sư, kiơ̆ thoi pơtao đei pơkă khan: “Ơ kon sâu adrĕch Isơrael, wih brŏk bĕ tơ Kră Yang 'Bok Kei-Dei Abraham, Isăk păng Isơrael, wă kơ Sư kư̆m wih tơ lu iĕm bơngai mă oei hlot klaih đơ̆ng ti lu pơtao Asiri.

II Ho 34:9

Lu đe noh năm tơ Hilkia 'bok soi tơm, jao ăn kơ sư jên đe pơyơ̆r kơ Kră Yang 'Bok Kei-Dei, wă khan lu jên kăk bơngai Lêwi lu bơngai wei 'măng jang mă đei iŏk bơih đơ̆ng ti lu bơngai Manase, bơngai Êphraim păng lu bơngai mă oei arih lăm lu bơngai Isơrael, kư̆m iŏk đơ̆ng lu bơngai Juđa, Bênjamin păng đơ̆ng lu kon pơlei oei lăm pơlei Jêrusalem.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Ne 2:19

Sanbalat, bơngai Hôrôn, Tôbia đĭch đam Ammôn păng Gêsem bơngai Arâp kơtơ̆ng tơdrong jang 'nâu, na lu sư hiĕk che bơle kơ lu nhôn, lu sư khan: Lu iĕm pơm kiơ̆ lu iĕm wă blơ̆ pơtao hă?

Esther 3:13

Đe gơih hơtă kơ linh năm ba kơ đĭ-đăng tơring lăm char pơtao Asêrus, wă pơrăm pơlôch đĭ lu adrĕch adrung Juđa mă 'lơ̆p mă 'lŏ mă kră, mă drŏ-kăn, lăm năr mơjĭt-pêng khei mơjĭt-'bar khei Adar păng wă tơgar iŏk mŭk tơmam đơ̆ng lu sư.

Esther 3:15

Lu bơngai chĕp hla bơar noh hăt hot pơm kiơ̆ kơ tơdrong pơtao tơtă. Nơ̆r tơtă âu kư̆m roi tơbăt lăm kon pơlei Susa. Pơtao păng Haman oei et tơdrô, mă-lei lăm lu kon pơlei Susa hli tơrơ dêh.

Esther 8:10

Morđêkai chih hăm anăn pơtao Asêrus păng iŏk tơkhiĕn pơtao chơ̆m pơsĭt hăm chih anăn sư, đơ̆ng noh wơh linh năm ba hla bơar noh hao aseh dăm, pran kuăng.

Esther 8:14

Thoi noh lu bơngai năm ba hla bơar noh hao aseh dăm pran kuăng, hăt hot chu kiơ̆ nơ̆r pơtao pơkă athei. Hla bơar noh đe kư̆m đŏk tơbăt kơ kon pơlei lăm pơlei tih Susa.

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

Jop 9:25

Năr chăl arih inh năm hrĕnh hloh kơ bơngai kơdâu năm roi tơbăt, Lu năr chăl arih inh kơdâu ôn bơih ưh kơ đei tơdrong pŭn hiôk.

Je 38:19

Pơtao Sêđekia khan kơ Jêrêmi. Inh hli kơ bơngai Juđa mơ̆t bơngai Kalđê boih, na gô jao inh tơ lăm ti lu sư, pơm kơnê̆ kơ inh.’ ”

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 23:35

Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Luka 8:53

Na đe ei pơm hiĕk kơ Sư yua kơ lu sư băt nhên kơ bơngai noh lôch tơpă boih.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Hêbrơ 11:36

Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.