II Ho 30:1 - Sơ̆p Hlabơar Nơ̆r 'Bok Kei-Dei

¹ Hesekia đei gơih nơ̆r sư kơ đĭ-đăng bơngai Isơrael păng lu bơngai Juđa, sư kư̆m chih hla bơar gơih ăn kơ bơngai Êphraim păng lu adrĕch Manase, wă kơ lu sư năm tơ Hnam Kră Yang tơ pơlei Jêrusalem, wă wang pơm giĕng Năm Brih 'blŏk hơdơ̆r kơ Kră Yang 'Bok Kei-Dei Isơrael.

II Ho 30:1 ပူးပေါင်းရင်းမြစ်များ

II Pot 23:22

Yua kơ lăm chăl lu 'bok sek tơlang lu bơngai Isơrael, mă lăm chăl lu pơtao đe Isơrael, mă chăl lu pơtao Juđa, lu sư tam mă biơh 'bôh pơm giĕng Năm Brih thoi noh.

II Ho 11:13

Lu 'bok soi hăm lu bơngai Lêwi đơ̆ng jơ̆p-jang lăm char Isơrael, wih brŏk kiơ̆ Rêhôbôam,

II Ho 11:16

Lăm adrĕch bơngai Isơrael, bu đei jơhngơ̆m chă Kră Yang 'Bok Kei-Dei Isơrael, lu sư kiơ̆ lu bơngai Lêwi, năm tơ Jêrusalem wă pơyơ̆r tơmam soi ăn kơ Kră Yang 'Bok Kei-Dei lu 'bok sư.

II Ho 25:7

Mă-lei bơngai Kră Yang 'Bok Kei-Dei yua năm khan kơ sư: “Ơ pơtao 'nĕ ăn kơ lu linh bơngai Isơrael năm hơdai ih, yua kơ Kră Yang ưh kơ oei hơdai hăm lu bơngai Isơrael ôh, kư̆m ưh kơ oei hơdai hăm lu kon sâu Êphraim mơ̆n.

II Ho 29:24

na 'bok soi pơlôch lu bơbe tơno noh păng mong pham tơtreh tơ kơpal chơnang soi noh wă pơm tơmam soi huai đơ̆ng yoch kơ đĭ-đăng kơ lu kon pơlei Isơrael, yua kơ pơtao đei athei khan pơyơ̆r tơmam soi 'buh wă huai đơ̆ng yoch kơ đĭ kon pơlei Isơrael.

II Ho 29:36

Hesekia păng đĭ-đăng kon pơlei lu sư chơt hiôk kơ Kră Yang 'Bok Kei-Dei đei asong ăn kơ lu kon pơlei Sư na tơdrong jang âu tĕnh jah keh đang.

II Ho 30:2

Pơtao păng lu yŏng pơgơ̆r hăm đĭ-đăng lu kon pơlei akŭm lăm pơlei Jêrusalem pơđâu băl, pơkă wă năm pơm giĕng Năm brih lăm khei mă 'bar;

II Ho 35:6

'Bet triu pơm tơmam soi Năm Brih athei hơmet akâu iĕm rơgoh, hơmet 'nhĕm triu ăn kơ lu 'nhŏng oh iĕm wă pơm kiơ̆ trŏ thoi nơ̆r Kră Yang đei yua Môis khan tơbăt.

Je 29:1

'Nâu nơ̆r Jêrêmi đơ̆ng pơlei Jêrusalem chih gơih kơ lu đe kră mă oei arih, lu đe 'bok soi, lu 'bok khan lê̆ adrol păng đĭ-đăng kon pơlei mă pơtao Nebukatnessar rôp đơ̆ng pơlei Jêrusalem ba tơ char Babilôn pơm bơnă.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Jôsuê 14:4

Adrĕch adrung Jôsep klah asong kơ 'bar, adrĕch Manase păng Êphraim, lu sư ưh kơ đei asong ôh teh wă jang sa kơ lu adrĕch bơngai Lêwi, mă-lei ăn kơ lu sư teh pơm hnam, pơm pơlei oei păng lu teh tơmăn 'nhĕt jih pơlei wă kơ rong lu sem dơrong lu sư.