II Ho 3:1 - Sơ̆p Hlabơar Nơ̆r 'Bok Kei-Dei

¹ Sôlômôn pơtơm pơm hnam akŭm kơ Kră Yang lăm pơlei Jêrusalem, kơpal kông Môria, anih mă Kră Yang đei jur tơ'bôh kơ Đawit, 'bă sư, tơ anih mă Đawit đei rơ̆ng hơmet, 'bơ̆t anih pơjuă 'ba Arauna, bơngai Jêbus.

II Ho 3:1 ပူးပေါင်းရင်းမြစ်များ

Bl 22:14

Abraham krao anih noh Kră Yang Jirêa đơ̆ng noh, na dang ei đei nơ̆r khan: “Tơ kơpal kông Kră Yang gô đei hơmet ăn.”

Bl 22:2

Kră Yang 'Bok Kei-Dei khan thoi âu: “Rôp bĕ Isăk kon pôm ih mă 'mêm kơeng păng năm tơ tơring Môria, tơ anih noh ih pơyơ̆r kon ih pơm tơmam soi 'buh tơ minh anih kơpal kông to mă Inh gô tơ'bôh kơ ih.”

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

I Ho 21:18

Kơplah noh linh jang 'lơ̆ng Kră Yang khan kơ Gat athei khan kơ Đawit: Ih athei năm pơm minh pôm chơnang soi kơ Kră Yang tơ anih pơjuă 'ba Ôrnan bơngai Jêbus.”

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

I Ho 6:10

Jôhanan pơjing Asaria, bơngai mă pơm 'bok soi lăm hnam akŭm Sôlômôn man tơ pơlei Jêrusalem.

II Ho 3:2

Sôlômôn pơtơm pơm hnam akŭm năr mă 'bar khei 'bar, sơnăm mă puăn lăm chăl sư pơgơ̆r.

Jang 7:47

Mă-lei Đawit ưh kơ pơm ôh hnam ei, yua kơ 'Bok Kei-Dei ưh kơ ăn kơ sư pơm. Mă-lei kon Đawit Sôlômôn pơm.