II Ho 28:9 - Sơ̆p Hlabơar Nơ̆r 'Bok Kei-Dei

⁹ Tơ noh, đei minh 'nu 'bok khan lê̆ adrol Kră Yang anăn sư Ôdet, năm sơng lu linh brŏk tơ pơlei Samari păng khan: “'Nâu yua kơ Kră Yang 'Bok Kei-Dei 'bok lu iĕm hil kơ lu bơngai Juđa, na Sư đei pơjao đe Juđa lăm ti iĕm; mă-lei lu iĕm pơlôch lu sư lăm năr iĕm hil blĕk dêh mah truh tơ plĕnh.

II Ho 28:9 ပူးပေါင်းရင်းမြစ်များ

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Bl 4:10

Kră Yang jet dơ̆ng: “Ih pơm kiơ thoi noh? Inh 'bôh pham oh ih ôr đơ̆ng teh păng nơ̆r sư krao kơtơ̆ng truh tơ Inh.

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:22

Kơplah noh 'bok khan lê̆ adrol năm dơ̆ng jê̆ pơtao đe Isơrael păng khan: “Ih athei năm pơjing ming lu linh ih mă pran kơtang đơ̆ng, ih athei lăng hơmet mă hơlen tơdrong kiơ wă pơm, yua kơ bơyan puih sơnăm anăp kơnh pơtao Siri gô năm blah ih dơ̆ng.

I Pot 20:42

Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

I Ho 21:13

“Đawit khan kơ Gat. Inh glăi dêh; ăn kơ inh huŏng lăm tơpang ti Kră Yang yua kơ tơdrong Sư 'mêm mơnat tih dêh; 'nĕ ăn kơ inh huŏng lăm ti kon bơngai.”

II Ho 28:5

Yua kơ thoi noh Kră Yang 'Bok Kei-Dei Sư jao sư tơ lăm ti pơtao char Siri; khŭl linh Siri blah rôp lu sư lơ pơm bơnă păng chông ba tơ pơlei Đamas. Kră Yang kư̆m jao sư tơ lăm ti pơtao Isơrael, lu sư thuơ tih tơpă,

Esơra 9:6

na krao apinh thoi âu: “Ơ, Kră Yang 'Bok Kei-Dei inh! Inh kơdơ̆ mơlâu dêh, ưh kơ pơ̆n ngơk lăng muh măt tơ Ih, Ih boih Kră Yang 'Bok Kei-Dei inh; yua kơ tơdrong yoch kơnê̆ lu nhôn pơm kơjung hloh kơ kơ̆l lu nhôn păng tơdrong yoch lu nhôn pơm kơjung truh tơ plĕnh.

Horiso 69:26

Yua kơ lu sư pơmat lu bơngai mă Kră Yang teh boih, Păng lu sư chă roi tơdrong pơmat-tat lu bơngai mă Ih ăn đei rơka.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Jôna 1:2

Ih iung bĕ! Năm tơ pơlei tih Niniwe, pơma khă lu sư, yua kơ tơdrong yoch lu sư tih kơtơ̆ng truh tơ Inh.

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

Tơdrông Tơ'bôh 18:5

Yua kơ tơdrong yoch pơlei noh tih wă atŏ kơ plĕnh. Mă-lei 'Bok Kei-Dei ưh kơ hiơt ôh dôm tơdrong kơnê̆ pơlei sư pơm.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.