II Ho 28:8 - Sơ̆p Hlabơar Nơ̆r 'Bok Kei-Dei

⁸ Khŭl linh Isơrael rôp 'bar-hrĕng rơbâu 'nu lu 'nhŏng oh lu sư pơm bơnă, drŏ-kăn, kon hơ'lơ̆p drŏ-nglo, drŏ-kăn păng kư̆m đei blah iŏk lu mŭk tơmam chĕp ba tơ pơlei Samari.

II Ho 28:8 ပူးပေါင်းရင်းမြစ်များ

II Pot 6:22

Êlisê khan: “'Nĕ kơ pơlôch! Bĭ lu bơngai ih blah hăm đao păng hră jŭk, ih rôp pơm bơnă bơih, ih pơlôch lu sư dơ̆ng hă? Hơmet ăn kơ lu sư tơmam sa, đak hơmu lê̆ lu sư sa nhă bĕ, đơ̆ng noh tơbrŏk lu sư tơ yŏng lu sư.”

II Ho 11:4

Kră Yang khan thoi âu: Lu iĕm lê̆ kơ năm tơblah hăm lu 'nhŏng oh iĕm ôh, wih brŏk tơ hnam iĕm bĕ, yua kơ tơdrong 'nâu lĕch đơ̆ng Inh.” Thoi noh lu sư chu kơ nơ̆r Kră Yang khan, wih brŏk kơdih ưh kơ đei năm tơblah hăm Jêrôbôam ôh.

II Ho 28:11

Na dang ei mơ̆ng bĕ inh, tơbrŏk đĭ-đăng lu bơnă mă đêl lu iĕm rôp noh lu 'nhŏng oh iĕm kơdih 'mơ̆i. Kră Yang oei hil mĭl kơ lu iĕm.”

II Ho 28:7

Sikri minh 'nu bơngai nuih kơtang đơ̆ng char Êphraim pơlôch Maaseia, kon drŏ-nglo pơtao, Asrikam Yŏng wei hnam pơtao păng Êlkana, kơiĕng pơtao.

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Jang 7:26

Năr dơning dơ̆ng Môis sư 'bôh 'bar 'nu bôl sư tơteh dih băl. Na sư năm găn bre ei păng khan thoi âu: ‘Ơ bre âu, biĕm 'nhŏng oh dah ưh na kơlih tơdrong kiơ biĕm tơteh dih băl?’

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:41

Iĕm gô pơjing kon drŏ-nglo kon drŏ-kăn, mă-lei ưh kơ đei oei hăm iĕm, yua kơ lu sư noh đe gô rôp pơm đĭch đĭ.