II Ho 28:4 - Sơ̆p Hlabơar Nơ̆r 'Bok Kei-Dei

⁴ Lu sư pơyơ̆r tơmam soi păng soh 'long 'bâu phu tơ lu anih kơjung, tơ kơpal groi păng tơ ala tơnơm 'long đei yơ̆p Să.

II Ho 28:4 ပူးပေါင်းရင်းမြစ်များ

Bl 31:54

Đơ̆ng noh, lu sư pơyơ̆r tơmam soi kơpal kông păng pơtơm lu 'nhŏng oh sư sŏng sa. Thoi noh lu sư sŏng sa păng tep hloi kơpal kông noh minh măng.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

II Pot 16:4

Sư kư̆m soi sơmah păng soh 'long 'bâu phu tơ lu anih kơkuh kơ yang đe pơm tơ kơpal groi păng ala tơnơm 'long kơdrơ̆ng.

II Ho 15:17

Mă lu anih tơ kơpal kơjung lu bơngai Isơrael sư ưh kơ đei pơrăm ôh; lei ră, jơhngơ̆m Asa oei arih 'lơ̆ng hăm Kră Yang lăm đĭ chăl arih sư.

II Ho 28:19

Yua kơ đơ̆ng Ahas, pơtao đe Isơrael,a na Kră Yang tơhuŏng lu bơngai Juđa, yua kơ Ahas pơm kơnê̆ lăm Juđa, ưh kơ chu Kră Yang.

II Ho 28:25

Tơ rim pơlei lăm char Juđa, sư pơjing pơdơ̆ng lu anih kơjung wă soh tơmam 'bâu phu ăn kơ lu yang nai, wă tơblĕk Kră Yang 'Bok Kei-Dei 'bok sư.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Mi 1:5

Đĭ-đăng tơdrong noh yua kơ đơ̆ng Jakôp pơm yoch păng yua kơ tơdrong yoch adrĕch bơngai Isơrael. Jakôp pơm tơdrong yoch glăi kiơ? Hăm trŏ kơ pơlei Samari? Lu anih kơjung Juđa noh kiơ? Hăm trŏ noh pơlei Jêrusalem?