II Ho 28:2 - Sơ̆p Hlabơar Nơ̆r 'Bok Kei-Dei

² Sư kiơ̆ lu pơtao Isơrael, na kư̆m pơm tuh man rup yang Baal.

II Ho 28:2 ပူးပေါင်းရင်းမြစ်များ

II Ho 21:6

Sư yak kiơ̆ trong lu pơtao Isơrael, kiơ̆ thoi Ahap đei pơm boih, yua kơ sư iŏk oei kơ kon adruh Ahap pơm akăn; sư pơm tơdrong kơnê̆ dêh 'bơ̆t anăp Kră Yang.

II Ho 33:3

Sư man pơdơ̆ng ming dơ̆ng lu anih kơjung mă 'bă sư Hesekia đei pơrăm lê̆, pơm tơiung chơnang soi ăn kơ yang Baal păng man rup yang Asêra, kơkuh kơ đĭ-đăng lu khei sơnglŏng tơ plĕnh, drap păng kơkuh kơ lu tơmam noh.

Le 34:17

Ih 'nĕ kơ pơm lu rup yang.

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Je 1:16

Inh gô sek tơlang kon pơlei Inh, yua kơ đơ̆ng tơdrong kơnê̆ lu sư pơm, lu sư achăng lê̆ Inh, soh 'long 'bâu phu ăn kơ yang nai păng kơkuh kơ yang mă đơ̆ng ti lu sư pơm kơdih.

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 2:17

Yua kơ Inh gô iŏk lê̆ yang Baal đơ̆ng 'bơ̆r sư; wă kơ ưh pă đei bu 'blŏk krao anăn Baal dơ̆ng.

Lêwi 19:4

'Nĕ kơ man rup yang păng kư̆m 'nĕ kơ tuh hling pơm rup yang, Inh boih Kră Yang 'Bok Kei-Dei lu iĕm.

Mi 1:5

Đĭ-đăng tơdrong noh yua kơ đơ̆ng Jakôp pơm yoch păng yua kơ tơdrong yoch adrĕch bơngai Isơrael. Jakôp pơm tơdrong yoch glăi kiơ? Hăm trŏ kơ pơlei Samari? Lu anih kơjung Juđa noh kiơ? Hăm trŏ noh pơlei Jêrusalem?

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 2:13

Thoi noh lu sư lê̆ Kră Yang drap kơkuh kơ yang Baal păng Astarôt.