II Ho 26:9 - Sơ̆p Hlabơar Nơ̆r 'Bok Kei-Dei

⁹ Usia kư̆m pơm tơiung lu hnam thôt lăm pơlei Jêrusalem, 'bơ̆t 'Măng Jang Mum, 'Măng Jang Thŭng, 'bơ̆t dur suăn pơm kơjăp hloh.

II Ho 26:9 ပူးပေါင်းရင်းမြစ်များ

II Pot 14:13

Tơ Bêt Sêmes, Jêhôas pơtao đe Isơrael rôp arih Amasia pơtao đe Juđa kon drŏ-nglo Jôas, sâu Ahasia; đơ̆ng noh năm tơ Pơlei Jêrusalem teng pơchah lê̆ dur Jêrusalem đơ̆ng 'măng jang Êphraim truh tơ 'măng jang Mum, ataih kơjung sư truh tơ 'bar-hrĕng hlok.

II Ho 25:23

Tơ Bêt Sêmes Jêhôas pơtao Isơrael rôp Amasia pơtao đe Juđa kon drŏ-nglo Jôas, sâu Ahasia, chông ba sư tơ pơlei Jêrusalem; lu sư teh tơlơ̆ pơrăm lê̆ dur pơlei Jêrusalem iŏk đơ̆ng 'Măng Jang Êphraim dĭng truh tơ 'Măng Jang Mum, minh chăl să kơjung 'bar-hrĕng hlok.

Ne 2:13

Lăm măng noh inh lĕch trong 'măng jang Thŭng, tơklă đak sơlŭng Kŏ bri, truh tơ 'măng jang Râm nhôn chă lăng dur pơlei Jêrusalem pơchah răm păng lu 'măng jang kư̆m đĭ kơ ŭnh sa.

Ne 2:15

Thoi noh inh năm rok tơter đak glung, chă lăng dur pơlei đơ̆ng noh lu nhôn brŏk hơlơ̆k tơ rŏng mơ̆t trong 'măng jang Thŭng, kơplah noh 'năr tam mă hơdah.

Ne 3:13

Hanun păng kon pơlei Sanôa hơmet 'măng jang Thŭng. Lu sư man đei tơnang 'măng păng chơkăl păng man minh-rơbâu hloka dur truh tơ 'măng jang Râm.

Ne 3:24

Tơtil bơngai noh Binnui kon drŏ-nglo Hênadat pơm hơmet minh puăt nai, đơ̆ng hnam Asaria truh tơ mum Pơlei.

Ne 3:32

Lu khŭl bơ̆jang hling maih păng lu bơngai mơdro sa kư̆m wang pơm hơmet dur pơlei tih, đơ̆ng tơngơ̆ kơjung truh tơ 'măng jang Triu.

Je 31:38

Kră Yang khan: “Gô đei 'năr, pơlei tih đe gô pơdơ̆ng dơ̆ng kơ Inh đơ̆ng Hnam Thôt Hananêl truh tơ 'Măng Jang Mum.

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.