II Ho 26:7 - Sơ̆p Hlabơar Nơ̆r 'Bok Kei-Dei

⁷ Kră Yang 'Bok Kei-Dei tơgŭm sư kĕ jei blah lu kon pơlei Philistin, bơngai Arâp oei tơ lăm pơlei Gur Baal, klaih kơ noh lu bơngai Mêunit.

II Ho 26:7 ပူးပေါင်းရင်းမြစ်များ

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

I Ho 4:41

Dôm lu bơngai đei anăn kơpal 'nâu, lăm chăl Hesekia; pơtao đe Juđa, lu sư blah lu bơngai Hamit hăm lu bơngai Meunit oei tơ noh, lu sư blah pơrăm tơgar iŏk đĭ teh păng oei hloi truh tơ dang ei; yua kơ tơ noh đei tơmăn 'nhĕt wă wei rong lu sem dơrong lu sư.

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

I Ho 5:22

Kŭm đei lơ bơngai lôch, yua kơ đei Kră Yang 'Bok Kei-Dei wang tơblah lăm năr tơblah băl 'nâu. Lu sư oei tơ noh hloi dĭng truh tơ đe rôp chông ba năm pơm bơnă.

II Ho 14:10

Asa năm sơng tơ'bơ̆p sư, săp linh năm tơblah tơ lăm thŭng Sêphatha jê̆ pơlei Marêsa.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 17:11

Lu bơngai Philistin chĕp jên hu tơmam năm ba pơyơ̆r ăn kơ Jêhôsaphat, lu bơngai Arâp kư̆m lei-lăi năm ba pơyơ̆r ăn tơpơh-rơbâu tơpơh-hrĕng tŏ triu tơno păng tơpơh-rơbâu tơpơh-hrĕng tŏ bơbe tơno.

II Ho 20:1

Klaih kơ noh đei lu bơngai Môap, Ammôn păng kư̆m đei bơngai Mêunit năm hơdai blah Jêhôsaphat.

II Ho 21:16

Kră Yang kư̆m pơm ăn jơhngơ̆m lu bơngai Philistin păng kon pơlei Arâp mă oei jê̆ kon pơlei Êthiôpi, iung blah Jêhôram.

II Ho 25:8

Dah ih kiơ̆ trong 'nâu mă tơblah pran kơtang Kră Yang 'Bok Kei-Dei gô ăn kơ ih thuơ 'bơ̆t anăp lu ayăt kơ ih yua kơ Kră Yang 'Bok Kei-Dei gơh tơgŭm kĕ jei, kư̆m gơh ăn thuơ.”

Horiso 18:29

Đơ̆ng Ih tơgŭm inh gô kĕ đơ̆ng lu tơpôl linh ayăt. Gơnang kơ Kră Yang 'Bok Kei-Dei inh, đei pơplŏng hlôi kơ dur.

Êsai 14:29

Ơ bơngai Philistin, iĕm 'nĕ kơ chhôk 'nă ôh yua kơ sơnguĕt teh iĕm tơgơ̆ bơih, Đơ̆ng tơm rơh adrĕch 'bih gô jing đei 'bih hơkăm, plei đơ̆ng 'bih hơkăm gô jing 'bih ŭnh gơh păr.

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.