II Ho 26:5 - Sơ̆p Hlabơar Nơ̆r 'Bok Kei-Dei

⁵ Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

II Ho 26:5 ပူးပေါင်းရင်းမြစ်များ

Bl 41:15

Pharaôn khan kơ Jôsep thoi âu: Inh đei tep apo 'bôh mă-lei ưh kơ đei bu gơh tơblang; thoi noh, inh đei kơtơ̆ng đơ̆ng đe khan, đe đei apo 'bôh na roi kơ ih, ih đei tơblang ăn trŏ 'blep.

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

II Pot 15:34

Sư pơm 'lơ̆ng 'bơ̆t anăp Kră Yang, sư pơm dôm tơdrong 'bă sư Ussia hlôi pơm bơih.

I Ho 22:11

Dang ei ơ dăm ăn kơ Kră Yang oei hơdai hăm ih, tơgŭm ih lăm tơdrong pơm hnam kơkuh kơ Kră Yang 'Bok Kei-Dei ih, kiơ̆ thoi Sư đei khan boih gah ih.

I Ho 22:13

Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

II Ho 14:6

Sư đei man pơjing lu pơlei kơjăp lăm char Juđa, yua kơ lăm dôm sơnăm sư pơgơ̆r dêh char sư đei hiôk-hian ưh kơ đei tơblah, Kră Yang ăn hiôk-hian kơ sư.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 24:2

Jôas pơm tơdrong 'lơ̆ng tơpăt 'bơ̆t anăp Kră Yang lăm đĭ sơnăm Jêhôiada pơm 'bok soi.

II Ho 25:8

Dah ih kiơ̆ trong 'nâu mă tơblah pran kơtang Kră Yang 'Bok Kei-Dei gô ăn kơ ih thuơ 'bơ̆t anăp lu ayăt kơ ih yua kơ Kră Yang 'Bok Kei-Dei gơh tơgŭm kĕ jei, kư̆m gơh ăn thuơ.”

II Ho 26:4

Sư pơm tơdrong 'lơ̆ng tơpăt 'bơ̆t anăp Kră Yang, rok thoi 'bă sư Amasia đei pơm boih.

II Ho 27:6

Thoi noh Jôtham jing pran kơtang, yua kơ sư năm kiơ̆ trong tơpăt 'bơ̆t anăp Kră Yang 'Bok Kei-Dei sư.

II Ho 29:1

Hesekia 'nao lăp 'bar-jĭt pơđăm sơnăm kơplah sư pơm pơtao; sư pơgơ̆r oei lăm pơlei Jêrusalem 'bar-jĭt tơsĭn sơnăm; mĕ sư anăn Abija kon drŏ-kăn Sachari.

II Ho 32:30

Hesekia 'nâu mơ̆n đei bơ̆ chĭt tu đak Gihôn na pơchoh lê̆ sư ro tơ gah bơmơ̆t cheng kơ Pơlei Đawit. Hesekia gơh đei jing ngăl lăm rim tơdrong jang sư.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Da 5:16

Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Jang 20:30

Đơ̆ng lăm lu iĕm kơdih kư̆m gô đei bơngai bơtho tơdrong 'Bok Kei-Dei ưh kơ tơpăt wă kơ lu bơngai lui tơklah dih băl păng kiơ̆ sư.

Jôsuê 1:7

Ih athei chơ̆n jơhngơ̆m nuih pran păng pơm kiơ̆ kơ khôi juăt Môis đĭch đam Inh, mă tơbăt kơ ih, 'nĕ kơ weh gah 'ma gah 'ngiĕo, lei na mă năm tơ yơ gô đei tơdrong kĕ jei ih.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Lu 2:7

Kon pơlei pơla chu yom kơ Kră Yang ling-lang truh tơ Jôsuê păng bơngai đe kră arih đunh hloh kơ Jôsuê lôch, noh lu bơngai mă 'bôh tơdrong jang mơsêh tih dêh mă đêl Kră Yang pơm boih yua kơ lu bơngai Isơrael.