II Ho 26:20 - Sơ̆p Hlabơar Nơ̆r 'Bok Kei-Dei

²⁰ Asaria 'bok soi tơm păng đĭ-đăng lu 'bok soi nai lăng tơ sư, 'bôh sư đei jĭ chin 'bơ̆t klĕng na tơlĕch hloi sư đơ̆ng lăm noh păng kơdih akâu sư kư̆m 'maih lĕch, yua kơ Kră Yang phak sư.

II Ho 26:20 ပူးပေါင်းရင်းမြစ်များ

II Ho 26:19

Usia hil, ti sư oei chĕp get wă soh tơmam 'bâu phu; kơplah sư hil dêh kơ lu 'bok soi, đei hloi jĭ chin lĕch 'bơ̆t klĕng sư tơm măt lu 'bok soi, lăm hnam Kră Yang 'bơ̆t jê̆ chơnang soh tơmam 'bâu phu.

II Ho 26:21

Usia jĭ chin dĭng truh tơ sư lôch hloi; mưh jĭ chin athei oei hnam hơdrô̆ pha, ưh pă gơh mơ̆t lăm hnam Kră Yang dơ̆ng boih. Jôthan kon drŏ-nglo sư wei hnam pơtao păng pơgơ̆r kon pơlei pơla lăm char sư.

Esơra 7:5

Usi kon drŏ-nglo Buki, Buki kon Abisua, Abisua kon Phinêhas, Phinêhas kon drŏ-nglo Êlêasar, Êlêasar kon drŏ-nglo Arôn boih 'bok soi tơm.

Esther 6:12

Đơ̆ng noh Morđêkai wih hơlơ̆k tơ 'măng jang hnam pơtao. Mă-lei Haman hăt hot brŏk tơ hnam sư kơdih, kơlŭk gom kơ̆l sư ơh sơ'ngon.

Lêwi 13:10

'Bok soi gô lăng sư tơdah đei pơ'ngeh tơ lăm akar, pơm kơ sŏk sop jing kok păng đei 'breo lăm pơ'ngeh sư,

Lêwi 14:34

Layơ lu iĕm mơ̆t tơ char Kanaan, mă Inh gô ăn kơ lu iĕm jang sa păng Inh ăn tơdrong jĭ phơ̆k lăm minh pôm hnam, lăm char mă lu iĕm đei iŏk oei jang sa,

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Both 28:35

Kră Yang gô ăn kơ iĕm jĭ pơtôch đuh tơ kŭl-tăng păng tơ 'bar pah jơ̆ng jĭ dêh, hơmet ưh kơ gơh klaih, lanh rai să đơ̆ng kơnơl jơ̆ng truh tơ kơpal kơ̆l.