II Ho 26:18 - Sơ̆p Hlabơar Nơ̆r 'Bok Kei-Dei

¹⁸ Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

II Ho 26:18 ပူးပေါင်းရင်းမြစ်များ

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 30:7

'Nĕ pă pơm thoi 'bok păng 'nhŏng oh lu iĕm đei pơm yoch hăm Kră Yang 'Bok Kei-Dei 'bok lu sư, na Kră Yang pơrăm lu sư krưp tơpă thoi lu iĕm 'bôh.

Le 28:1

Lăm lu bơngai Isơrael ih athei rơih iŏk Arôn, 'nhŏng ih hăm lu kon drŏ-nglo sư, Nađap, Abihu, Êlêasar; păng Ithamar; pơjao ăn tơdrong jang pơm 'bok soi bơ̆jang kơ Inh.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 3:10

Thoi noh, ih gô pôk Arôn păng lu kon drŏ-nglo sư, wă pơm 'bok soi; lu bơngai tơmoi nai năm jê̆ đe gô pơlôch.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 14:4

Na Yôhan khan kơ Hêrôt: “Ih tơgar iŏk akăn oh ih ưh kơ trŏ ôh.”

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

I Kor 5:5

Na bơ̆n athei pơjao kơ yang Satan ăn tơdrong gleh kơ bơngai mă pơm yoch noh, wă kơ bơngai noh tơbral kơdih tơdrong yoch wă kơ 'Bok Kei-Dei iŏk sư kơplah năr Yêsu jur ning-mônh.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Galati 2:11

Sơ̆ Pêtrôs năm tơ Pơlei Antiôs, inh khă sư, yua kơ sư pơm ưh kơ trŏ tơpă. Sư pơm thoi âu:

Hêbrơ 5:4

Tơdrong pơm 'bok soi tih, tơ̆ng 'Bok Kei-Dei ưh kơ rơih iŏk, kon bơngai ưh kơ đei bu gơh pơm kơdih ôh; đơ̆ng 'Bok Kei-Dei rơih iŏk na kon bơngai gơh pơm. Thoi 'bok Arôn sơ̆ 'Bok Kei-Dei rơih iŏk 'mơ̆i na sư gơh pơm 'bok soi tih.

Ya 2:1

Ơ lu 'nhŏng oh inh, iĕm lui boih kơ Kră Yang Yêsu Krist, Kră Yang mơsêh mơyang lu bơ̆n, iĕm 'nĕ kơ lăng bơngai phara yua kơ sư mơdrŏng dah dơnuh hŏ.

Jôsuê 22:15

Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan:

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.