II Ho 26:16 - Sơ̆p Hlabơar Nơ̆r 'Bok Kei-Dei

¹⁶ Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

II Ho 26:16 ပူးပေါင်းရင်းမြစ်များ

I Pot 12:33

Sư năm tơ chơnang soi đêl sư pơm boih tơ pơlei Bethel. Lăm năr mơjĭt-pơđăm khei tơhngam, khei mă sư rơih kơdih, sư pơjing minh năr phĕt ăn kơ lu bơngai Isơrael, na sư năm tŏk tơ chơnang soi wă soh tơmam 'bâu phu.

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

II Pot 14:10

Ih blah bơih adrĕch lu đe Eđôm jei ih păng jơhngơ̆m 'bĕnh kơ tơdrong pơang. Ih ư-ang tơdrong jei noh lăm hnam ih bĕ; yua kơ kiơ ih 'maih pơm ăn kơdih akâu đei tơdrong răm truh păng pơm kơ char Juđa hiong răm?”

II Pot 15:5

Kră Yang phak pơtao Amasia, pơm kơ sư jĭ chin dĭng truh tơ năr sư lôch, kơplah sư oei arih, sư oei tơ ataih kơ kon pơlei pơm hnam hơdrô̆ sư. Jôtham, kon drŏ-nglo pơtao ei wei-lăng hnam pơtao sư păng wei-lăng kon pơlei dêh char sư.

II Ho 12:1

Wă Rêhôbôam pơgơ̆r dêh char sư pran kơjăp boih, na sư păng lu bơngai Isơrael kiơ̆ Sư achăng lê̆ ưh pă kiơ̆ khôi juăt Kră Yang.

II Ho 25:19

Ih khan: Lăm to inh blah iŏk boih char Eđôm na jơhngơ̆m ih pơrŏ pơang pơư kơdih akâu. Dang ei oei bĕ hnam, liơ wă pơrăm kơdih akâu păng dêh char Juđa kư̆m răm kiơ̆?”

II Ho 26:15

Lăm pơlei Jêrusalem pơtao athei lu bơngai hơgei hơjơ̆m pơm kơmăi wă prah 'brơ̆m păng prah tơmo tih, tah tơ rim hnam thôt păng tơ rim mum pơlei. Đe ư-ang kơ sư tơ jơ̆p dêh char tơ tơring ataih; yua kơ sư đei Kră Yang tơgŭm sư hlĭch chrơp tơpă dĭng sư pran kơtang tơpă.

II Ho 27:2

Sư đei pơm lơ tơdrong 'lơ̆ng 'bơ̆t anăp Kră Yang thoi 'bă sư Usia đei pơm boih, mă-lei sư ưh kơ đei mơ̆t lăm hnam Kră Yang lu kon pơlei oei răm kiơ̆ trong kơnê̆.

II Ho 32:25

Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Da 11:12

Lu linh gah yă-nơ̆m noh tơklah tơklang đĭ, na lăm jơhngơ̆m pơtao gah gơal pơang, Sư khan sư gô pơlôch pơrăm lơ rơbâu hơngan bơngai, mă-lei ưh kơ kĕ jei sư ôh.

Da 8:8

Bơbe bram pơm kơ akâu sư rai tih; mă-lei lăp sư pran dêh boih, hơke sư mă tih noh tơgơ̆ păng tơ đêl anih hơke tơgơ̆ noh chăt dơ̆ng puăn tŏ hơke plơ̆ng, puăn tŏ hơke noh chăt pơdơ̆ng tơklă tơ puăn trong kial tơ plĕnh.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Jo 16:1

Kôrê kon drŏ-nglo Ishar, sâu Kôhat, sâu i Lêwi, chông ba Đathan păng Abiram kiơ̆ sư; Abiram, Đathan kon drŏ-nglo Êliap, hơdai hăm Ôn, kon drŏ-nglo Pêlet, kon sâu Rubên.

Jo 16:18

Thoi noh, rim 'nu iŏk gĕl tah ŭnh lăm noh, tah pơgang 'bâu phu kơpal, đơ̆ng noh năm dơ̆ng 'bơ̆t anăp Bơsŭn Anih Akŭm păng Môis hăm Arôn.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Jo 16:7

Pơgê dơning tah ŭnh lăm ge iĕ păng dan pơgang 'bâu phu kơpal ŭnh 'bơ̆t anăp Kră Yang. Bơngai bu mă Kră Yang rơih iŏk, noh boih bơngai 'lơ̆ng rơgoh. Ơ kon sâu Lêwi, lê̆ pă!

Jo 17:5

Bơngai bu mă inh rơih iŏk, 'long jra noh đei bluh pơkao; thoi noh Inh wă chĭt lê̆ 'bơ̆r lu bơngai Isơrael mă đei jŏk pơjah hăm lu iĕm.

Both 8:14

Athei kơchăng 'nĕ kơ pơang păng 'nĕ hiơt kơ Kră Yang 'Bok Kei-Dei iĕm, Tơ'ngla chông ba iĕm lĕch đơ̆ng dêh Êyiptơ, lĕch đơ̆ng pơm đĭch.

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

Kôlôsê 2:18

Lu bơngai 'noh, lu sư athei bơ̆n kiơ̆ sư iŏk đon ala kơ đe. Lu sư khan lu sư đei tơdrong apo tơ'bôh kơ lu sư đơ̆ng plĕnh wă kơ bơ̆n kiơ̆ lu sư kơkuh kơ linh jang kiơ̆ tơdrong giĕng lu sư, na mưh lu sư 'bôh bơ̆n ưh kơ kiơ̆ lu sư, lu sư khan bơ̆n yoch boih. Mă-lei iĕm 'nĕ kơ lui kơ tơdrong lu sư pơhlŭ noh hŏ. Lu sư pơm kiơ̆ kơ đon kon bơngai tơchĕng đĕch păng wă pơang akâu lu sư kơ đe.